Categories
Breaking news

وزیراعلیٰ کیخلاف عدم اعتماد تحریک پر قانون کے مطابق کارروائی ہوگی، اسپیکر

فائل فوٹو
فائل فوٹو

اسپیکر پنجاب اسمبلی چوہدری پرویزالہیٰ کو وزیر اعلیٰ عثمان بزدار کے خلاف جمع کرائی گئی عدم اعتماد کی تحریک سے آگاہ کر دیا گیا، اسپیکر نے کہاکہ عدم اعتماد تحریک پر قانون کے مطابق کارروائی ہوگی۔

سیکرٹری اسمبلی محمد خان بھٹی نے اسپیکر پرویزالہیٰ کو اس متعلق آگاہ کیا اور عدم اعتماد کی تحریک اور اجلاس بلانے کی ریکوزیشن کی کاپی بھی بھجوائی گئی۔

عثمان بزدار کے خلاف تحریک عدم اعتمادجمع

پنجاب میں وزیر اعلیٰ عثمان بزدار کے خلاف تحریک عدم اعتمادجمع کروا دی گئی۔

پرویزالہیٰ نے کہاکہ عدم اعتماد کی تحریک پر قانون کے مطابق کارروائی ہوگی، قانونی ضابطے اور اسمبلی رولز پر مکمل عمل ہوگا۔

واضح رہے کہ تحریک عدم اعتماد پنجاب اسمبلی میں متحدہ اپوزیشن کی طرف سے جمع کرائی گئی ہے، قرارداد میں وزیر اعلیٰ کی کارکردگی کو نشانہ بنایا گیا ہے۔

قرارداد کے متن میں تحریر ہے کہ وزیراعلیٰ عثمان بزدار پر ایوان کی اکثریت کا اعتماد نہیں رہا، صوبے کے معاملات آئین کے تابع نہیں چلائے جا رہے، عثمان بزدار نے پنجاب میں جمہوری روایات کا قلع قمع کیا ہے۔

قرارداد پر رانا مشہود، رمضان صدیق، ملک احمد، میاں نصیر احمد کے دستخط موجود ہیں۔

قومی خبریں سے مزید

Original Article

Leave a Reply

Your email address will not be published.