Categories
Breaking news

وزیراعلیٰ پنجاب لاہور میں عبدالستار ایدھی انڈر پاس کا افتتاح کر دیا

وزیراعلیٰ پنجاب لاہور میں عبدالستار ایدھی انڈر پاس کا افتتاح کر دیا

وزیر اعلیٰ پنجاب عثمان بزدار نے لاہور میں عبدالستار ایدھی انڈر پاس کا افتتاح کر دیا۔ یہ منصوبہ فروری کی بجائے دسمبر میں مکمل ہوگیا۔

اس موقع پر وزیر اعلیٰ پنجاب نے کہا کہ دیگر منصوبے بھی وقت سے پہلے مکمل کریں گے۔

پنجاب حکومت نے 65 کروڑ روپے کی لاگت سے گلاب دیوی اسپتال کے قریب انڈر پاس مکمل کیا، انڈر پاس کو عبدالستار ایدھی سے منسوب کیا گیا ہے۔

انڈرپاس کے افتتاح کے موقع پر وزیراعلیٰ عثمان بزدار نے کہا کہ یہ منصوبہ ریکارڈ مدت میں مکمل ہوا ہے، کوشش ہوگی کہ دیگر منصوبے بھی مقررہ مدت سے پہلے مکمل ہوں۔

وزیر اعلی کا کہنا تھا کہ بلدیاتی الیکشن کیلئے تیار ہیں، رزلٹ اچھا دیں گے، لوگ جو مرضی کہتے رہیں ہم اپنا کام کرتے رہیں گے۔

وفاقی وزیر شفقت محمود اور صوبائی وزیر مراد راس کا کہنا تھا کہ اس علاقے میں تین اسپتالوں کی وجہ سے ہر وقت ٹریفک کا دباؤ رہتا تھا، انڈر پاس بننے سے لوگوں کو آنے جانے میں آسانی اور پٹرول کی بچت ہوگی۔

قومی خبریں سے مزید

Original Article

Leave a Reply

Your email address will not be published.