Categories
Breaking news

وزیراعظم کے دورے میں کل 53 ارکان شامل ہوں گے، ابتدائی فہرست تیار، ذرائع

وزیراعظم کے دورے میں کل 53 ارکان شامل ہوں گے، ابتدائی فہرست تیار، ذرائع

وزیرِاعظم شہباز شریف کا تین روزہ سعودی عرب کے دورے میں کتنے افراد شامل ہوں گے، فہرست تیار کرلی گئی ہے۔

ذرائع کا کہنا ہے کہ وزیراعظم کے دورے میں کل 53 ارکان شامل ہوں گے، جس کی ابتدائی فہرست تیار کرلی گئی ہے، جبکہ دورہ سعودی عرب 28 تا 30 اپریل ہوگا۔

ذرائع کے مطابق وزیراعظم کے ہمراہ اتحادی جماعتوں کے سربراہان اور ارکان اسمبلی بھی ہوں گے، مولانا فضل الرحمان، مولانا اسعد محمود، بلاول بھٹو زرداری، شگفتہ جمانی وفد میں شامل ہوں گے۔

محسن داوڑ کا وزیراعظم کیساتھ دورہ سعودی عرب کھٹائی میں پڑ گیا

سرکاری ذرائع کا کہنا ہے کہ نئی پالیسی کے تحت شریف خاندان اور لیگی رہنماؤں کےنام ای سی ایل سے خارج ہو چکے۔

ذرائع کے مطابق اختر مینگل، خالد مگسی، خالد مقبول صدیقی اور امیر حیدر ہوتی کا نام بھی وفد میں شامل ہے، شاہ زین بگٹی، اسلم بھوتانی، علی نوازش شاہ کا نام بھی وزیراعظم کے وفد میں شامل ہے۔

ذرائع کا کہنا ہے کہ محسن داوڑ، محمود اچکزئی، ڈاکٹر مالک بلوچ اور شاہ اویس نورانی کا نام بھی وفد میں شامل ہے۔

وزیراعظم کے وفد میں علامہ طاہر اشرفی، سیکریٹری خارجہ سہیل محمود بھی شامل ہیں، جبکہ وزیراعظم کے ہمراہ ان کا پرسنل اسٹاف اور سیکیورٹی اسٹاف بھی ہوگا۔

ذرائع کا کہنا ہے کہ وزیراعظم کے فیملی ممبرز اور عملے کے ارکان بھی سعودی عرب دورے میں ساتھ ہوں گے، حمزہ شہباز، اہلیہ حمزہ شہباز، حمزہ شہباز کی بیٹی بھی سعودی عرب جانے والے وفد میں شامل ہوں گی۔

ذرائع کے مطابق مریم نواز شریف، کیپٹن (ر) محمد صفدر، حمزہ شہباز فیملی کی ملازمہ نسرین بھی وفد میں شامل ہوں گی۔

ذرائع کا کہنا ہے کہ صبیحہ عباس شریف، یوسف عباس شریف، مسز یوسف عباس شریف، یوسف عباس کے صاحبزادے شامل ہیں، دوحہ سے سلمان شہباز ان کی اہلیہ اور بیٹا اور ملازمہ بھی وفد میں شامل ہوں گے۔

ذرائع کے مطابق لندن سے حسین نواز اور ان کی اہلیہ بھی سعودی عرب دورے کے دوران شامل ہوں گے، وزیراعظم کے ساتھ وفد میں پی ایم آفس کا عملہ، سیکیورٹی ٹیم اور میڈیا ٹیم بھی ساتھ ہوں گی۔

ذرائع کا کہنا ہے کہ وزیراعظم آفس کا عملہ، سیکیورٹی ٹیم اور میڈیا ٹیم 23 اپریل کو کمرشل فلائٹ سے روانہ ہوں گے۔

قومی خبریں سے مزید

Original Article

Leave a Reply

Your email address will not be published.