Categories
Breaking news

وزیراعظم کی چینی سفارتخانے آمد، چینی باشندوں کی ہلاکت پر تعزیت

وزیراعظم کی چینی سفارتخانے آمد، چینی باشندوں کی ہلاکت پر تعزیت

وزیراعظم شہبازشریف، وفاقی وزراء کے ہمراہ چین کے سفارتخانے پہنچے اور چین کی ناظم الامور سے چینی باشندوں کی ہلاکت پر اظہار تعزیت کیا۔

اس موقع پر وزیراعظم شہباز شریف نے چین کے صدر شی جن پنگ کے لئے خصوصی تعزیتی پیغام بھی تحریر کیا۔

وزیر اعظم کا کہنا تھا کہ اپنے آہنی بھائی پر وحشیانہ حملے پر پوری پاکستانی قوم صدمے اور غم کی حالت میں ہے، پاکستانی سرزمین سے ہر قسم کی دہشت گردی اور دہشت گردوں کے خاتمے کا تہیہ کر رکھا ہے، واقعے کی تیزی سے تحقیقات کریں گے اور مجرموں کو قانون کے مطابق عبرت کا نشان بنائیں گے۔

وزیراعظم شہباز شریف نے کہا کہ انہوں نے وزیر داخلہ رانا ثناء اللہ کو کل کراچی پہنچنے کی ہدایت کردی ہے۔ مجرموں کی گرفتاری اور سزا دلانے تک وہ چین سے نہیں بیٹھیں گے اور چینی باشندوں کی جان لینے والوں کو پھانسی کے پھندے پر لٹکائیں گے۔

شہباز شریف نے کہا کہ پاکستان اور چین کے درمیان تعلقات پر حملہ ناقابل برداشت ہے، دو طرفہ تعلقات کو متاثر نہیں ہونے دیں گے، پاکستان میں چینی باشندوں اور اداروں کی سکیورٹی بڑھانے اور حفاظتی انتظامات کو فول پروف بنانے کا حکم دے دیا ہے۔

قومی خبریں سے مزید

Original Article

Leave a Reply

Your email address will not be published.