Categories
Breaking news

وزیراعظم کی جانب سے حکومتی ارکان اسمبلی کو ترقیاتی فنڈز جاری پر سپریم کورٹ کا لارجر بینچ تشکیل

Advertisement

سپریم کورٹ

وزیراعظم عمران خان کی جانب سے تمام حکومتی ارکان اسمبلی کو 50، 50 کروڑ روپے کے ترقیاتی فنڈز دینے کے اعلان پر چیف جسٹس پاکستان نے پانچ رکنی لارجر بینچ تشکیل دیدیا۔

وزیراعظم کی جانب سے ارکان اسمبلی کو ترقیاتی فنڈز جاری کرنے کے معاملے پر چیف جسٹس پاکستان جسٹس گلزار احمد نے جسٹس قاضی فائز عیسی کے نوٹس پر پانچ رکنی لارجر بینچ تشکیل دیا۔

بینچ کے دیگر ارکان میں جسٹس مشیر عالم، جسٹس عمر عطا بندیال، جسٹس قاضی فائز عیسی اور جسٹس اعجاز الاحسن شامل ہیں ۔ پانچ رکنی لارجر بینچ کل دن ایک بجے سماعت کرے گا۔

Advertisement

کیس کی سماعت کیلئے سپریم کورٹ رجسٹرار آفس نے وزیراعظم کے پرنسپل سیکرٹری، سیکرٹری کابینہ ڈویژن، سیکرٹری خزانہ، وفاقی اور صوبائی ایڈووکیٹ جنرلز اور چیف سیکرٹریز کو بھی نوٹس جاری کردیے۔

واضح رہے کہ جسٹس قاضی فائز عیسی نے اخبار کی خبر پر نوٹس لیا تھا۔

Advertisement

Leave a Reply

Your email address will not be published. Required fields are marked *