Categories
Breaking news

وزیراعظم کو گندم کی ریکارڈ پیداوار پر بریفنگ

وزیراعظم کو گندم کی ریکارڈ پیداوار کے نتائج پر بریفنگ

وزیراعظم عمران خان کو گندم کی پیداوار اور زرعی اجناس کی اچھی قیمت سے متعلق بریفنگ دی گئی۔ بریفنگ میں وزیراعلیٰ پنجاب عثمان بزدار و دیگر بھی شریک تھے۔

اس موقع پر بتایا گیا کہ گندم کی ریکارڈ پیداوار ہوئی ہے اور زرعی اجناس کی اچھی قیمت سے کسان خوشحال ہوا ہے۔

اس موقع پر بتایا گیا کہ کسان کارڈ سے چھوٹے زمینداروں کو براہِ راست سبسڈی کے مثبت اثرات آنے لگے ہیں۔

وزیراعلیٰ پنجاب نے بتایا کہ سیاحت کے فروغ اور تھل جیپ ریلی کے لئے 3 کروڑ روپے مختص کیے ہیں۔

انہوں نے کہا کہ لیہ میں 6 نئے کالج، ایک یونیورسٹی قائم کی جارہی ہے جبکہ یہاں ایک ریسکیو سینٹر بھی بنایا جارہا ہے۔

اس موقع پر وزیراعظم نے صاف پانی کی فراہمی، دریائی کٹاؤ سے بچاؤ کے منصوبے کی تفصیلات طلب کرلیں۔

وزیراعظم عمران خان نے ترقیاتی منصوبے جلد از جلد اور مقررہ مدت میں مکمل کرنے کی بھی ہدایت کی۔

عمران خان نے کہا کہ امیر و غریب کو یکساں ترقی کے مواقع فراہم کرنا اور لوگوں کو غربت سے نکالنا بھی حکومت کی اولین ترجیح ہے۔

انہوں نے کہا کہ گزشتہ حکومتیں پنجاب کے کچھ اضلاع کے علاوہ دیگر علاقوں کو نظرانداز کرتی رہیں، موجودہ حکومت کی خصوصی ترجیح ترقیاتی منصوبوں کی یکساں تقسیم ہے۔

قومی خبریں سے مزید

Original Article

Leave a Reply

Your email address will not be published. Required fields are marked *