Categories
Breaking news

وزیراعظم کراچی میں بجلی کے نرخ بڑھنے کا نوٹس لیں، ایم کیو ایم

وزیراعظم عمران خان کراچی میں بجلی کے نرخ بڑھنے کا نوٹس لیں، وفاق میں حکومتی اتحادی جماعت متحدہ قومی موومنٹ (ایم کیو ایم) پاکستان نے مطالبہ کردیا۔

کراچی کیلئے بجلی مہنگی کرنے کی منظوری

نیشنل الیکٹرک پاور ریگولیٹری اتھارٹی (نیپرا) نے کراچی کے صارفین کے لیے بجلی مہنگی کرنے کی منظوری دے دی۔

ایم کیو ایم پاکستان کی رابطہ کمیٹی نے جاری بیان میں نیشنل الیکٹرک پاور ریگولیٹری اتھارٹی (نیپرا) کی جانب سے کےالیکٹرک کو بجلی کی قیمتیں بڑھانے کی اجازت دینے پر تشویش کا اظہار کیا ہے۔

رابطہ کمیٹی کا کہنا ہے کہ بے تحاشہ مہنگائی کے وجہ سے عوام اپنی بنیادی ضروریات پوری کرنے سے قاصر ہیں۔

اعلامیے کے مطابق رابطہ کمیٹی کا کہنا ہے کہ کےالیکٹرک کراچی کے عوام کو مہنگی ترین بجلی فروخت کرکے اربوں روپے منافع کمارہی ہے۔

رابطہ کمیٹی نے مطالبہ کیا کہ وزیراعظم عمران خان بجلی کی قیمتوں میں اضافے کا نوٹس لیں اور اس کا نوٹیفکیشن فی الفور واپس لیا جائے۔

قومی خبریں سے مزید

Original Article

Leave a Reply

Your email address will not be published.