وزیراعظم عمران خان نے قرضہ انکوائری کمیشن کی رپورٹ طلب کرلی، وزیراعظم نے مشیر برائے احتساب بیرسٹر شہزاد اکبر کو رپورٹ جمع کروانے کی ہدایت کردی ہے۔

ذرائع کے مطابق قرضہ کمیشن نے 2008 ءتا 2018 ء تک 2400 ارب روپے قرضے کی رپورٹ تیار کرلی ہے جن میں سنگین بے ضابطگیوں کا انکشاف کیا گیا ہے۔

ذرائع کے مطابق رپورٹ میں21 اداروں سے وابستہ 250 افراد کے کردار کی نشاندہی کی گئی ہے، رپورٹ میں ترقیاتی منصوبوں میں اختیارات کا غلط استعمال اور کک بیکس کی نشاندہی بھی کی گئی ہے۔

ذرائع کا کہنا ہے کہ رپورٹ کے مطابق مختلف ترقیاتی منصوبوں سے رقم نجی اکاؤنٹس میں منتقل ہوئی، قرضہ انکوائری کمیشن نے 420 غیرملکی قرضوں کے مکمل ریکارڈ کی جانچ پڑتال کی جن میں اورنج لائن ٹرین، بی آر ٹی پشاور، کول پاور پلانٹس، نیلم جہلم منصوبے کی انکوائری شامل ہے۔

قومی خبریں سے مزید