وزیراعظم نےثابت کر دیاکہ قانون سے کوئی بالاترنہیں،فردوس عاشق اعوان

وزیراعظم عمران خان کی معاون خصوصی برائے اطلاعات و نشریات فردوس عاشق اعوان کا کہنا ہے کہ وزیراعظم عمران خان نے اپنے عمل سے ثابت کیا کہ قانون سے کوئی بالا ترنہیں۔

فردوس عاشق اعوان نے مائیکروبلاگنگ ویب سائٹ ٹوئٹر پر اپنے ایک بیان میں کہا ہے کہ وزیراعظم عمران خان نے آٹا چینی بحران کی رپورٹ پبلک کر کے ثابت کیا ہے کہ ان کی پاکستان میں قانون سے کوئی بالاترنہیں ہے، عمران خان یاان کے خاندان میں کسی کی کوئی شوگرمل نہیں ہے ۔

Table of Contents

x
Advertisement

فردوس عاشق اعوان کا کہنا ہے کہ رپورٹ پبلک کرنادلیل ہےکہ وزیراعظم کی ترجیح افرادنہیں پاکستان کے عوام کا مفاد ہے، عوام کے مفاد کے سامنے جوآئے گاعمران خان اس کے راستے کی دیواربنے گا۔

انہوں نے مزید کہا کہ اپوزیشن رپورٹ کوسیاسی رنگ دینے کی بجائے عمران خان کے جذبے کوسراہےجس نے تاریخ میں خوداحتسابی کی روشن مثال قائم کی۔

فردوس عاشق اعوان کا کہنا تھا کہ حکومت پروارکرنے کی بجائے اپوزیشن کواپنا حساب دیناپڑے گا، ان کی تاریخ مفادات کے ٹکراؤسے بھری ہے، قوم نہیں بھولی جب بیٹا باپ کو،تایابھتیجےکواورصدرانورمجیدکو سبسڈی دیتاتھا۔

فردوس عاشو اعوان نے ماضی کی حکموتوں سے متعلق بات کرتے ہوئے مزید کہا کہ 6 خاندان 50 فیصد سے زائد شوگر کنٹرول کرتے تھے، ماضی میں عوام کی بجائے مخصوص طبقہ فائدے اٹھاتا رہا ہے جبکہ نئے پاکستان میں اس کی ہرگز اجازت نہیں ہوگی۔

قومی خبریں سے مزید