Categories
Breaking news

وزیراعظم عمران خان کا فلسطینی صدر محمود عباس سے ٹیلیفونک رابطہ

وزیراعظم عمران خان کا فلسطینی صدر محمود عباس سے ٹیلیفونک رابطہ

وزیر اعظم عمران خان کا کہنا ہے کہ پاکستانی قیادت مشکل وقت میں فلسطینیوں کے ساتھ کھڑی ہے، پاکستان فلسطین کے عوام کے حقوق کے لیے اپنی حمایت جاری رکھے گا۔

وزیراعظم عمران خان نے فلسطینی صدر محمود عباس سے ٹیلی فونک رابطہ کیا، فلسطینی صدر اور وزیراعظم نے فلسطین کی موجودہ صورتحال پر گفتگو کی۔

عمران خان نے مسجد اقصیٰ میں عبادت کے دوران اسرائیلی حملوں کی شدید مذمت کی۔

وزیراعظم نے اسرائیلی حملوں میں شہریوں اور بچوں کی اموات پر افسوس کا اظہار کیا۔

عید کے موقع پر پاکستانی قوم فلسطین کے عوام کے ساتھ کھڑی ہے، فواد چوہدری

وزیر اطلاعات نے وزیراعظم کا آج فلسطین کے صدر محمود عباس سے رابطہ کرنے کے ارادہ سے بھی آگاہ کیا۔

انہوں نے کہا کہ انسانی حقوق اور عالمی قوانین کی خلاف ورزی پر پاکستان عالمی برادری کو متحرک کرے گا، پاکستانی قیادت مشکل وقت میں فلسطینیوں کے ساتھ کھڑی ہے۔

فلسطینی صدر محمود عباس نے وزیراعظم عمران خان سے اظہار تشکر کرتے ہوئے پاکستانی قیادت کے ردعمل کو سراہا۔

فلسطینی صدر نے وزیراعظم عمران خان کو موجودہ صورتحال سے آگاہ کیا، دونوں رہنماؤں نے موجودہ صورتحال پر ایک دوسرے سے رابطے میں رہنے کا فیصلہ بھی کیا۔

قومی خبریں سے مزید

Original Article

Leave a Reply

Your email address will not be published. Required fields are marked *