Categories
Breaking news

وزیراعظم شہباز شریف اور ولی عہد ابوظہبی کی ملاقات کا مشترکہ اعلامیہ جاری

بشکریہ فیس بک
بشکریہ فیس بک

وزیراعظم شہباز شریف کی ولی عہد ابوظہبی شیخ محمد بن زاید سے ملاقات کا مشترکہ اعلامیہ جاری کردیا گیا ، دونوں رہنماؤں نے دو طرفہ، علاقائی اور عالمی امور پر تفصیلی مشاورت کی۔

دونوں رہنماؤں کی ملاقات کے مشترکہ اعلامیے کے مطابق وزیراعظم شہباز شریف اور ان کی کابینہ کے ارکان اور اعلیٰ حکام ولی عہد ابوظہبی شیخ محمد بن زاید سے ملاقات میں موجود تھے۔

مشترکہ اعلامیہ میں کہا گیا کہ ابوظہبی کے ولی عہد نے شہباز شریف کو وزیراعظم پاکستان کا منصب سنبھالنے پر مبارکباد دی، شہباز شریف نے عالمی فورمز پر پاکستان کی بھرپور حمایت پر یو اے ای کو خراج تحسین پیش کیا۔

اعلامیے کے مطابق ملاقات میں مختلف شعبوں میں دو طرفہ تعاون کا جائزہ لیا گیا، دونوں رہنماؤں نے سرمایہ کاری، معاشی ترقی، توانائی میں شراکت داری بڑھانے پر زور دیا۔

مشترکہ اعلامیہ میں کہا گیا کہ دونوں رہنماؤں نے تعاون بڑھانے، تجارت، معاشی تعلقات مزید مضبوط بنانے کا عزم کیا ۔

ولی عہد یو اے ای نے کہا کہ یو اے ای میں مقیم پاکستانیوں کا امارات کی ترقی میں تعمیری کردار ہے، پاکستان اور یو اے ای ہر مشکل گھڑی میں ایک دوسرے کے ساتھ کھڑے رہے ہیں۔

یو اے ای کے ولی عہد کا مزید کہنا تھا کہ مستقبل میں بھی ایک دوسرے کی مدد جاری رکھیں گے۔

واضح رہے کہ وزارتِ عظمی کامنصب سنبھالنے کے بعد شہباز شریف کا یو اے ای کا یہ پہلا دورہ تھا۔

قومی خبریں سے مزید

Original Article

Leave a Reply

Your email address will not be published.