Categories
Breaking news

وزیراعظم اپنی اکثریت نہیں دکھا پائے، خرم دستگیر

Advertisement
وزیراعظم اپنی اکثریت نہیں دکھا پائے،خرم دستگیر

اپوزیشن کی سب سے بڑی جماعت مسلم لیگ (ن) کے سینئر رہنما اور سابق وفاقی وزیر خرم دستگیر نے کہا ہے کہ وزیراعظم عمران خان اسمبلی میں اپنی اکثریت نہیں دکھا پائے ہیں۔

Advertisement

قومی اسمبلی کے باہر میڈیا سے گفتگو میں خرم دستگیر نے کہا کہ حکومت کو 172 لوگوں کی اکثریت چاہیے، آج 160 لوگ تھے۔

انہوں نے کہا کہ حکومتی بینچوں پر سراسیمگی پھیلی ہوئی ہے، بجٹ عارضی نوعیت کی پٹی ہے، جو بہت گہرے گھاؤ لگاتی ہے۔

ن لیگی رہنما نے مزید کہا کہ اشیائے خورونوش کی مہنگائی عوام کے لیے گہرا گھاؤ ہے، حکومت مافیا کی سہولت کار ہے اور مافیاز کے آگے گھٹنے ٹیک چکی ہے۔

ان کا کہنا تھا کہ پٹرول سستا ہوا تو مارکیٹ سے غائب ہوگیا، جب پٹرول مہنگا ہوا تو راتوں رات ندیاں بہہ گئیں۔

خرم دستگیر نے یہ بھی کہا کہ پی ٹی آئی حکومت ایک اور بجٹ لانا پڑے گا، وزیراعظم کے پاس پارلیمنٹ میں 12 نمبر کم ہیں، اب ہر دن ان کےلیے مشکل ثابت ہوگا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *