واؤڈا فیصلے کیخلاف سپریم کورٹ جائینگے: شیخ رشید

وفاقی وزیرِ داخلہ شیخ رشید —فائل فوٹو

وفاقی وزیرِ داخلہ شیخ رشید کا فیصل واؤڈا کی نااہلی سے متعلق فیصلے کے حوالے سے کہنا ہے کہ فیصل واؤڈا الیکشن کمیشن کے فیصلے کے خلاف سپریم کورٹ جائیں گے۔

اسلام آباد میں وفاقی وزیرِ داخلہ شیخ رشید احمد نے پریس کانفرنس کرتے ہوئے کہا کہ مولانا فضل الرحمٰن کی اور سیاست ہے، نون لیگ اور پیپلز پارٹی کی الگ سیاست ہے۔

انہوں نے کہا کہ شہباز شریف بڑے بھائی نواز شریف سے زیادہ کرپٹ ہیں، سب سے اہم کیسز شہباز اور حمزہ کے ہیں، یہ کیسز مضبوط ہیں مگر ہم نتائج نہیں لا سکے۔

شیخ رشیدکا کہنا ہے کہ ہمارے طالبان کے ساتھ اچھے تعلقات ہیں، امید ہے کہ یہ افغان سر زمین ہمارے خلاف استعمال نہیں ہونے دیں گے۔

انہوں نے اپوزیشن سے مخاطب ہو کر کہا کہ آپ کہتے ہیں کہ عدم اعتماد لا رہے ہیں، تو لائیں بھائی، آسٹریلیا کی ٹیم آ رہی ہے، او آئی سی ہے، آپ یہاں کیا کرنے آؤ گے؟

وزیرِ داخلہ نے کہا کہ اپنے بندوں کا خیال کرو، بندے آپ نے لانے ہیں، آپ عدم اعتماد کے لیے بندے نہیں لا سکتے، اگر بندے لانے ہوتے تو ساڑھے 3 سال پہلے لے آتے۔

انہوں نے کہا کہ مجھے یہ 23 مارچ کو بھی آتے دکھائی نہیں دیتے، اپوزیشن ہمیں کسی بل میں تو شکست نہیں دے سکی، البتہ وہ ہمارے اتحادیوں کے پاس جا رہی اور ان کے دروازے کھٹکھٹا رہی ہے۔

وزیرِ داخلہ نے کہا کہ چوہدری شجاعت سچے، کھرے اور اصولی انسان ہیں، میرے بھائیوں جیسے ہیں، 8 دن میں پتہ لگ جائے گا کہ عدم اعتماد کی کیا صورتِ حال ہے ۔

ان کا کہنا ہے کہ عمران خان مقابلہ کرنے والے آدمی ہیں، اپوزیشن کی 50 دن کی سیاست ہے، 50 دن بعد عمران خان اور مضبوط ہو جائیں گے، ان کے پاس سب سے مضبوط ہتھیار دیانت کا ہے۔

وفاقی وزیرِ داخلہ نے کہا کہ عمران خان سرخرو ہوں گے، وہ انہیں (اپوزیشن کو) این آر او بھی نہیں دیں گے اور چھوڑیں گے بھی نہیں، عمران خان کی حکومت ایک منتخب حکومت ہے۔

شیخ رشید نے کہا کہ پاکستان میں سارے لوگ ٹی وی ٹی وی کھیل رہے ہیں، اسٹیبلشمنٹ غیر جانبدار ہے اور منتخب حکومت کے ساتھ ہے، وراثتی سرٹیفکیٹ آزاد کشمیر، گلگت بلتستان کے باشندوں کو دے رہے ہیں، میں خود بھی پنجگور جا رہا ہوں، سندھ میں نادرا کے 13 دفتر کھولنے جا رہے ہیں۔

انہوں نے کہا کہ وزیرِ اعظم عمران خان نے رینجرز، ایف سی، کوسٹ گارڈ اور گلگت بلتستان اسکاؤٹس کی تنخواہوں میں اضافے کا فیصلہ کیا ہے، سول آرمڈ فورسز کی تنخواہوں میں 15 اضافہ ہوا ہے، تنخواہوں میں یہ اضافہ مارچ سے ملے گا، وزیرِ اعظم سے گزارش کی ہے کہ سویلین کی بھی تنخواہ بڑھائی جائے۔

وفاقی وزیرِ داخلہ نے بتایا کہ نیب کے عدالتوں میں کیسز نے بہت وقت لیا، ملک میں 70 کیسز میگا کرپشن کے ہیں، ان کا فیصلہ ہونا چاہیے، کوشش کریں گے کہ ڈیڑھ سال میں ان 70 میگا کیسز کا فیصلہ ہو جائے، ہم لوٹی ہوئی دولت واپس نہیں لا سکے ہیں۔

انہوں نے مزید بتایا کہ سعودی وزیرِ خارجہ کے ساتھ قیدیوں کی بات کی ہے، ویزہ آن لائن کیا ہے، 14 فروری کو ایران کے وزیرِ داخلہ پاکستان آئیں گے۔

وفاقی وزیرِ داخلہ شیخ رشید نے یہ بھی کہا کہ کل بھارتی ریاست کرناٹک میں ایک لڑکی نے ہندوستان کی سیاست اور مسلمانوں کے ساتھ رویے کو بے نقاب کیا ہے۔

قومی خبریں سے مزید

Original Article

فوج کیخلاف زہریلی گفتگو سے نقصان مریم کا ہی ہوگا، شیخ رشید

ایم پی اے بلال یاسین حملہ کیس، 2 ملزمان کی ضمانت منظور

اسد عمر بھی انتہا پسندوں کے سامنے نعرہ تکبیر بلند کرنے والی لڑکی کے معترف

عدم اعتماد کا پہلی بار سنجیدگی سے سوچ رہے ہیں، سعد رفیق

کراچی: پولیس کے پہنچنے پر ڈکیت ATM فٹ پاتھ پر چھوڑ کر فرار

فیصل واوڈا بھی تاحیات نا اہلی کے زمرے میں آتے ہیں،کنور دلشاد

کے پی میں دوسرے مرحلے کے انتخابات، ہائیکورٹ کا فیصلہ معطل

دہری شہریت کیس، فیصل واوڈا نااہل قرار

پشاور: خاتون کے سر میں کیل ٹھونکنے کی تحقیقات

مسلمان لڑکی نے فاشسٹ مودی کے ہندوتوا نظریے کو پٹخ دیا، حسان خاور

سندھ کی جامعات میں آج یوم سیاہ منایا جا رہا ہے

کراچی: PSP کارکنوں کا قتل، ملزمان کی اپیلیں مسترد، سزا برقرار

راولپنڈی کنٹونمنٹ بورڈ وارڈ 2 میں ضمنی انتخاب، ووٹنگ جاری

پاکستان میں کورونا وائرس سے مزید 50 اموات

فیصل واوڈا کی نا اہلی کافیصلہ کسی بھی وقت متوقع ہے، کنور دلشاد

قصور، پتنگ سازی میں ملوث 3 ملزمان گرفتار

مودی کے بھارت میں جو ہورہا ہے وہ خوف ناک ہے، فواد چودھری

شیخ رشید کی اپنی سیاسی زندگی میں 15ویں وزارت