Categories
Breaking news

نیو کراچی میں زری فیکٹری کی آگ بجھا دی گئی

Advertisement
نیو کراچی میں زری فیکٹری کی آگ بجھا دی گئی

نیو کراچی سیکٹر الیون جے میں زری کی فیکٹری میں لگنے والی آگ پر فائر بریگیڈ کی 3 گاڑیوں کی مدد سے قابو پالیا گیا ہے، آتشزدگی کے نتیجے میں عمارت میں پھنسے تمام افراد کو بحفاظت ریسکیو کر لیا گیا۔

سیکٹر الیون جے میں زری فیکٹری میں اچانک آگ بھڑک اٹھی، آگ عمارت کی تیسری منزل پر لگی جہاں زری کا کام کیا جارہا تھا، آگ کی اطلاع ملتے ہی ریسکیو ٹیموں کو فوری طور پر طلب کرلیا گیا جبکہ علاقہ مکینوں نے اپنی مدد آپ کے تحت فیکٹری ملازمین اور چھت پر موجود چوکیدار کے اہل خانہ کو باحفاظت فیکٹری سے باہر نکال لیا۔

Table of Contents

x
Advertisement

یہ بھی پڑھیے

واقعے کے بعد واٹر بورڈ کی جانب سے مختلف ہائیڈرنٹس پر ایمرجنسی نافذ کردی گئی ۔

فائربرگیڈ کی 3 گاڑیوں نے ایک گھنٹے کی جدوجہد کے بعد آگ پر قابو پایا، فائر آفیسر کے مطابق نیو کراچی فائر اسٹیشن ٹیکنیکل خرابی کے باعث بند ہے جسکے باعث سہراب گوٹھ فائر اسٹیشن سے گاڑی طلب کی گئی۔

آتشزدگی کے نتیجے میں لاکھوں روپے کا سامان اور مشینری جل کے خاکستر ہوگئی تاہم خوش قسمتی سے کوئی جانی نقصان نہیں ہوا۔

ریسکیو ذرائع کے مطابق ابتدائی طور پر آگ لگنے کی وجہ زری مشین میں خرابی کی سامنے آئی ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *