نیوزی لینڈ کے کورونا پھیلاؤ روکنے کے اقدامات

نیوز ی لینڈ نے سخت اقدامات کے ذریعے کورونا وائرس کا پھیلاؤ روک دیا۔

دنیا کے مختلف ملکوں میں کورونا وائرس کی تباہ کاریاں جاری ہیں لیکن نیوزی لینڈ میں حکومت کے سخت اقدامات نے وائرس کو پھیلنے سے روک دیا ہے۔

نیوزی لینڈ میں کورونا وائرس کا پہلا کیس 15 فروری کو سامنے آیا تھا، تقریباً 2 مہینے میں اس مہلک وائرس کے 46 ہزار سے زائد ٹیسٹ کیے گئے، جن میں سے 1200 افراد میں کورونا کی تصدیق ہوئی۔

نیوزی لینڈ میں 258 افراد صحتیاب ہوئے جبکہ صرف ایک شخص ہی کورونا وائرس کے باعث جان کی بازی ہار گیا۔

حکومت نے وائرس کا پھیلاؤ روکنے کےلیے نیوزی لینڈ کی سرحدوں کو بند کردیا پھر 29 مارچ کو ملک بھر میں ایک مہینے کا مکمل لاک ڈاؤن کردیا۔

نیوزی لینڈ کی حکومت نے ضروری اشیاء خریدنے والوں کو 6،6 فٹ کے فاصلے پر رہنے کی ہدایات جاری کی گئیں جبکہ دکانوں میں ایک سے زیادہ خریدار کی موجودگی پر پابندی عائد کردی گئی۔

حکومت نے لاک ڈاؤن کی خلاف ورزیاں کرنے پر گرفتاریاں کی گئیں حتی کہ لاک ڈاؤن کی خلاف ورزی کرنے والے وزیر صحت کی بھی تنزلی کردی گئی۔

لاک ڈاؤن کے تقریباً گیارہ دن بعد نیوزی لینڈ کی وزیراعظم نے عوام سے پھر اپیل کی ہے کہ گھروں میں رہیں اور وائرس کو مکمل شکست سے دو چار کریں۔

بین الاقوامی خبریں سے مزید