نیدر لینڈز میں پاکستانی کمپنیوں کے لیے تجارتی مواقع کے موضوع پر سفارت خانہ پاکستان دی ہیگ نے ایک ویبینار کا انعقاد کیا۔ جس میں ٹریڈ ڈیولپمنٹ اتھارٹی آف پاکستان کے تعاون سے پاکستان کے مختلف چیمبرز کے ممبران اور صنعت کاروں کے علاوہ برسلز میں قائم پاک بینیلکس اوورسیز چیمبر نے شرکت کی۔
سب سے پہلے سفیر پاکستان سلجوق مستنصر تارڑ نے شرکاء کو خوش آمدید کہتے ہوئے دونوں ممالک کے درمیان دوطرفہ بہترین اور گرمجوشی پر مبنی تعلقات پر روشنی ڈالی۔
انہوں نے کہا کہ نیدر لینڈز ایک ٹریلین ڈالر سے زائد کی معیشت ہے۔ ضرورت اس امر کی ہے کہ ہمارے لوگ اس سے بھرپور فائدہ اٹھانے کے لیے نئی جہتیں تلاش کریں۔
سفیر پاکستان نے کاروباری اداروں پر زور دیا کہ وہ غیر روایتی شعبوں میں قدم رکھیں پاکستان کی برآمدی اشیاء کو متنوع بنانے اور ڈچ کمپنیوں کے ساتھ تعاون کرنے میں مدد کریں اور پاکستان میں نئی ٹیکنالوجی اور ایجادات متعارف کروائیں۔
بعد ازاں سفارت خانے میں تعینات ٹریڈ اینڈ انوسٹمنٹ قونصلر راؤ رضوان الحق نے دو طرفہ اقتصادی تعلقات اور نیدرلینڈز میں پاکستانی کمپنیوں کے لیے تجارتی مواقع پر تفصیلی پریزنٹیشن دی۔
انہوں نے کہا کہ نیدرلینڈز یورپ کی 5ویں اور دنیا کی 17ویں بڑی معیشت ہے۔ اسی طرح یہ امریکہ کے بعد 105 بلین ڈالر کے ساتھ دنیا کا دوسرا بڑا ایگری ایکسپورٹ ملک بھی ہے۔ ان کا ٹریڈ ٹو جی ڈی پی ریشو 84 فیصد ہے۔ یہ دنیا سے جتنی اشیاء خریدتے ہیں اس کا 50 فیصد ویلیو ایڈ اور ری پیک کر کے دوبارہ بیچ دیتے ہیں، کیونکہ یہ ملک لاجسٹکس اور ریسرچ اینڈ ڈیولپمنٹ کا بہت مضبوط شعبہ رکھتا ہے۔
راؤ رضوان الحق نے مزید بتایا کہ گزشتہ مالی سال میں پاکستان اور نیدرلینڈز کے درمیان دوطرفہ تجارت 2.3 بلین امریکی ڈالر سے اوپر تھی۔ جس میں پاکستان کی برآمدات کا حجم 1.73 ارب ڈالر رہا۔ انہوں نے بتایا کہ ڈچ کمپنیاں پاکستان میں اعتماد کے ساتھ سرمایہ کاری کر رہی ہیں اور نیدر لینڈز ایف ڈی آئی کا ایک بڑا ذریعہ بن گیا ہے۔
انہوں نے سلائیڈز کے ذریعے شرکاء کے سامنے پاکستانی کاروباری اداروں کیلئے نئے شعبوں کی نشاندہی بھی کی۔ اس کے ساتھ ہی انہوں نے متوجہ کیا کہ کورونا وائرس کے بعد ڈچ کمپنیاں چین کے بجائے اپنی خریداری کے لیے نئی مارکیٹس کی طرف دیکھ رہی ہیں۔ ہمیں ان کو اپنی جانب متوجہ کرنے کے لیے بھرپور طریقے سے توجہ دینی چاہیے۔
اس موقع پر شرکاء نے مختلف سوالات کیے جن کے مناسب جوابات دیے گئے۔
قبل ازیں ٹریڈ ڈیولپمنٹ اتھارٹی لاہور کے ڈائریکٹر جنرل شہزاد احمد خان نے اتھارٹی کی جانب سے پاکستان کی تجارت میں اضافے کی کوششوں پر روشنی ڈالی گئی جبکہ ٹی ڈیپ کی اسسٹنٹ ڈائریکٹر فائقہ زرناب نے ماڈریٹر کے فرائض سرانجام دیے۔
قومی خبریں سے مزید
-
ن لیگ والے شہید معظم کے گھر 5 کروڑ روپے لے کر پہنچے، شاہ محمود قریشی
شاہ محمودقریشی نے کہا کہ معظم شہید کے گھر والے ن لیگ کے لالچ میں نہیں آئے۔
-
وزیرخزانہ اسحاق ڈار کا سود کےخلاف فیصلے پر اپیلیں واپس لینے کا اعلان
اسحاق ڈار نے کہا کہ وفاقی شریعت کورٹ نے سود کے خلاف فیصلہ دیا تھا، پاکستان میں سود سے پاک نظام کو تیزی سے آگے لے کر چلیں گے۔
-
عمران خان کی بابراعظم اور پوری ٹیم کو مبارکباد
اپنے ٹوئٹر پیغام میں عمران خان نے کہا کہ عظیم فتح پر بابر اعظم اور پوری ٹیم کو مبارک ہو۔
-
فائنل میں پہنچنے پر وزیراعظم پاکستانی ٹیم کے معترف
شہباز شریف نے ٹیم کی تعریف کرتے ہوئے کہا کہ شاباش ٹیم پاکستان بہت ہی اچھے کم بیک کیلئے۔
-
آرمی چیف کا یادگارِ شہداء پشاور کا دورہ
پاک فوج کے سربراہ جنرل قمر جاوید باجوہ نے خیبر پختون خوا کے دارالخلافہ پشاور کا دورہ کیا ہے۔
-
راولپنڈی: PTI کا احتجاج پاک نیوزی لینڈ میچ کی نذر
راولپنڈی میں پاکستان تحریک انصاف کا احتجاج پاک نیوزی لینڈ میچ کی نذر ہو گیا۔
-
سراج الحق عمران خان کی عیادت کرنے پہنچ گئے
جماعتِ اسلامی پاکستان کے امیر سراج الحق چیئرمین پی ٹی آئی، سابق وزیرِ اعظم عمران خان کی عیادت کرنے پہنچ گئے۔
-
ارشد شریف کی گولیوں سے چھلنی گاڑی کی ویڈیو سامنے آ گئی
کینیا میں پاکستانی صحافی ارشد شریف کو جس گاڑی میں قتل کیا گیا اس کی ویڈیو ’جیو نیوز‘ کو موصول ہو گئی۔
-
کراچی: گاڑی اور ڈمپر میں تصادم، ’جیو نیوز‘ کے رپورٹر، کیمرا مین و ڈرائیور زخمی
کراچی کے علاقے نارتھ کراچی میں گاڑی اور ڈمپر میں تصادم کے نتیجے میں ’جیو نیوز‘ کے رپورٹر قمر مستوئی، کیمرا مین سجاد حسین اور ڈرائیور زخمی ہو گئے۔
-
گجرات: بارات پر شہد کی مکھیوں کا حملہ ،دلہا دلہن سمیت 150 افراد متاثر
گجرات میں باراتیوں پر شہد کی مکھیوں نے حملہ کر دیا جن کے کاٹنے سے دلہا دلہن سمیت 150 باراتی متاثر ہوئے ہیں۔
-
ہم سے پوچھا جا رہا آپ کی ہی حکومت FIR نہیں کٹوا رہی، فیاض چوہان
پاکستان تحریک انصاف (پی ٹی آئی) کے رہنما فیاض الحسن چوہان کا کہنا ہے کہ ہم سے پوچھا جا رہا ہے کہ آپ کی ہی حکومت ایف آئی آر نہیں کٹوا رہی۔
-
لانگ مارچ کیخلاف 1 اور درخواست سپریم کورٹ میں دائر
سپریم کورٹ آف پاکستان میں سابق وزیرِ اعظم، چیئرمین پی ٹی آئی عمران خان کے لانگ مارچ کے خلاف ایک اور درخواست دائر کر دی گئی ہے۔
-
وزیر اعظم شہباز شریف برطانیہ پہنچ گئے
وزیر اعظم پاکستان شہباز شریف برطانیہ پہنچ گئے،دو دن قیام کے بعد وطن واپس لوٹیں گے۔
-
عمران خان کب راولپنڈی آئیں گے؟ فواد چوہدری نے بتادیا
پاکستان تحریک انصاف (پی ٹی آئی) کے رہنما فواد چوہدری کا کہنا ہے کہ عمران خان نومبر کے تیسرے ہفتے راولپنڈی میں ہوں گے۔
-
جنوبی وزیرستان: پولیس اسٹیشن پر حملہ، 2 اہلکار شہید، 2 شدید زخمی
قبائلی ضلع جنوبی وزیرستان کی تحصیل برمل کے پولیس اسٹیشن پر دہشت گردوں کے حملے میں 2 پولیس اہلکار شہید جبکہ 2 شدید زخمی ہو گئے۔
-
راولپنڈی: PTI کے احتجاج کا تیسرا دن، سڑکیں بند، شہری پریشان
راولپنڈی میں پاکستان تحریکِ انصاف کا احتجاج پیرودھائی موڑ پر آج تیسرے روز بھی جاری ہے۔