نوشہرہ: آئل ڈپو میں آتشزدگی، کئی ٹینکرز جل گئے

نوشہرہ میں آئل ٹینکرز ڈپو میں آتشزدگی کا واقعہ رونما ہوا ہے، ریسکیو ذرائع کے مطابق تارو آئل ٹینکرز ڈپو میں اچانک آگ بھڑک اٹھی۔

ریسکیو حکام نے آگ کی شدت دیکھتے ہوئے پشاور، مردان اور چارسدہ سے فائر ٹینڈرز طلب کرلیے ہیں اور فائر فائٹرز آگ بجھانے کا عمل شروع کیا۔

ریسکیو ذرائع کے مطابق آتشزدگی کے وقت تارو آئل ڈپو میں 150 تک ٹینکرز موجود تھے، جن میں سے کئی نکال لیے گئے ہیں۔

حکام کے مطابق اطلاعات ہیں کہ تارو جبہ آئل ڈپو سے کچھ فاصلے پر پارکنگ ایریا میں آگ لگی، آتشزدگی سے 20 ٹینکرز جل گئے ہیں۔

ڈپٹی کمشنر میر رضا کے مطابق آگ 20 ٹینکرز سے 50 آئل ٹینکرز تک پھیل گئی ہے، آتشزدگی میں 20 لاکھ لیٹر پیٹرول جل گیا ہے۔

قومی خبریں سے مزید

مسجد نبوی واقعے کے وقت پی ٹی آئی رہنما بھی وہاں موجود تھے