Categories
Breaking news

نوشکی، شہید کیپٹن بلال کا جسد خاکی ان کے گھر منتقل

فوٹو، ٹوئٹر
فوٹو، ٹوئٹر

پنجگور اور نوشکی میں فورسز پر حملے کے نتیجے میں شہید ہونے والے کیپٹن ڈاکٹر بلال خلیل کا جسد خاکی ان کے گھر فیصل آباد منتقل کردیا گیا ہے۔

کیپٹن بلال شہید کی نمازِ جنازہ 11 بجے دربار قائم سائیں والی میں ادا کی جائے گی۔

کیپٹن بلال نے ڈی جی خان میڈیکل کالج سے ایم بی بی ایس مکمل کیا تھا اور آرمی میڈیکل کور کو جوائن کیا تھا۔

نوشکی، کیپٹن بلال خلیل کی شہادت سے قبل لگائی گئی انسٹا اسٹوری وائرل

پنجگور اور نوشکی میں فورسز پر حملے کے نتیجے میں جامِ شہادت نوش کرنے والے کیپٹن ڈاکٹر بلال خلیل نے اپنے انسٹاگرام پر شہادت سے محض سات گھنٹے قبل ایک اسٹوری شیئر کی تھی۔

خیال رہے کہ دہشتگردی کی لہر شدید ہوگئی، پنجگور اور نوشکی میں فورسز پر حملہ کیا گیا جس کے باعث 7 فوجی جوان شہید اور 15 دہشتگرد ہلاک ہوئے۔

وزیراعظم عمران خان اور دیگر سیاسی رہنماؤں نے بلوچستان میں دہشتگردوں کے حملے کو پسپا کرنے پر سکیورٹی فورسز کو خراج تحسین پیش کیا ۔

وزیر اعظم عمران خان نےکہا کہ ہم اپنی بہادر سیکورٹی فورسز کو سلام پیش کرتے ہیں جنہوں نے بلوچستان کے علاقے پنجگور اور نوشکی میں سکیورٹی فورسز کے کیمپوں پر دہشت گردانہ حملوں کو ناکام بنایا، قوم ہماری سیکورٹی فورسز کے پیچھے متحد کھڑی ہے جو ہماری حفاظت کے لیے بڑی قربانیاں دے رہے ہیں۔

قومی خبریں سے مزید

Original Article

Leave a Reply

Your email address will not be published.