Categories
Breaking news

نورالحق قادری کا عورت مارچ پر پابندی سے متعلق خط قابل تشویش ہے، شیری رحمان

فائل فوٹو
فائل فوٹو

پیپلز پارٹی کی نائب صدر سینیٹر شیری رحمان نے وفاقی وزیر برائے مذہبی امور پر نورالحق قادری کے عورت مارچ پر پابندی سے متعلق وزیراعظم کو لکھے خط پر تشویش کا اظہار کیا ہے۔

شیری رحمان نے کہا کہ 8 مارچ کو عورت مارچ پر پابندی سے متعلق وزیراعظم کو خط قابل تشویش ہے، وفاقی وزیر مذہبی امور کی طرف سے اس طرح کی بات حیران کن ہے۔

انہوں نے کہا کہ 8 مارچ عالمی سطح پر عورتوں کا دن منایا جاتا ہے،آپ نہتی عورتوں کے مارچ پر پابندی لگا کر کیا ثابت کریں گے؟

‏شیری رحمان کا کہنا ہے کہ پاکستان میں خواتین کو حجاب کا دن منانے پر کسی نے پابندی نہیں لگائی، ایک طرف ہم بھارت کے رویہ کی مذمت کرتے دوسری طرف آپ نہتی خواتین کے عورت مارچ پر پابندی کی باتیں کر رہے۔

‏انہوں نے کہا کہ خواتین کا عالمی دن ہر طبقے کی عورت کے نام ہوتا ہے، خواتین کے عالمی دن کا مقصد معاشرے میں عورتوں کے خلاف جینڈر اسٹیریو ٹائپ اور تعصبات کیخلاف شعور بیدار کرنا ہے۔

عورت مارچ پر پابندی لگائی جائے، نورالحق قادری کا عمران خان کو خط

وفاقی وزیر برائے مذہبی امور پیر نورالحق قادری نے 8 مارچ کو عورت مارچ پر پابندی عائد کرنے کے لیے وزیراعظم عمران خان کو خط لکھ دیا۔

شیری رحمان نے یہ بھی کہا کہ آپ عورتوں کے عالمی دن پر ہی ان کی آزادی اور حقوق سلب کرنے کی سازشیں کر رہے ہیں۔

قومی خبریں سے مزید

Original Article

Leave a Reply

Your email address will not be published.