Categories
Breaking news

نواز کا نام عمران کیلئے خوف کی علامت بن چکا ہے، عظمیٰ بخاری

نواز کا نام عمران کیلئے خوف کی علامت بن چکا ہے، عظمیٰ بخاری

مسلم لیگ نون پنجاب کی ترجمان عظمیٰ بخاری نے کہا ہے کہ نواز شریف کا نام آج وزیر اعظم عمران خان کے لئے خوف کی علامت بن چکا ہے۔

ایک بیان میں نون لیگ پنجاب کی ترجمان عظمیٰ بخاری کا کہنا ہے کہ جس دن نواز شریف پاکستان آئے وہ دن عمران حکومت کی رخصتی کا دن ہوگا۔

انہوں نے نام لیے بغیر حسان خاور کو تنقید کا نشانہ بناتے ہوئے کہا کہ پرچی ترجمان صاحب نواز شریف کے پاکستان آنے سے پہلے حکومت لڑکھڑا گئی، مفت مشورہ ہے اپنے قد سے بڑھ کر باتیں مت کریں۔

انہوں نے مزید کہا کہ آپ کا ٹاسک کوے کو سفید یعنی بزدار کو شہباز شریف ثابت کرنا ہے، آپ وہیں تک رہیں، آپ کے لئے بہتر رہے گا۔

مشینوں سے نہیں حکومتی نیت سے ڈر لگتا ہے، عظمیٰ بخاری

مسلم لیگ نون پنجاب کی ترجمان عظمیٰ بخاری کا کہنا ہے کہ پرچی ترجمان صاحب اپوزیشن کو مشینوں سے نہیں آپ کی نیت سے ڈر لگتا ہے، آر ٹی ایس سے فیض یاب ہونے والے شفافیت کا درس دے رہے ہیں، بنی گالہ لوٹ مار ایسوسی ایشن نے ای وی ایم کو دوبارہ اقتدار میں آنے کی کنجی سمجھ لیا ہے۔

ان کا یہ بھی کہنا تھا کہ ساڑھے تین سال سے کابینہ کے ہر اجلاس میں نواز شریف اور شہباز شریف کیخلاف منصوبے بنتے رہے، شریف خاندان کے خلاف سازشیں کرنے والے خود راہ فرار تلاش کررہے ہیں۔

ترجمان مسلم لیگ نون پنجاب عظمیٰ بخاری کا کہنا تھا کہ مسلم لیگ نون نے ڈلیور کیا اس لیے عوام آج یاد کررہے ہیں۔

قومی خبریں سے مزید

Original Article

Leave a Reply

Your email address will not be published.