نواز شریف نے زندگی میں کبھی میرٹ پر فیصلہ نہیں کیا، عمران خان

چیئرمین پی ٹی آئی عمران خان کا کہنا ہے کہ حکومت نے آرمی ایکٹ میں تبدیلی لانے کا فیصلہ کیا ہے، اگر یہ آرمی ایکٹ میں تبدیلی لائے تو اداروں کو نقصان پہنچائیں گے۔

لاہور میں لانگ مارچ سے ویڈیو لنک کے ذریعے خطاب کرتے ہوئے انہوں نے کہا کہ نواز شریف نے زندگی میں کبھی میرٹ پر فیصلہ نہیں کیا۔

عمران خان کا کہنا تھا کہ جب سے حکومت سے گیا ہوں ہر تھوڑے دن بعد کمپین آجاتی ہے، انہوں نے توشہ خانے سے چار مہنگی گاڑیاں نکالیں ان کو کوئی نہیں پوچھتا۔

انہوں نے کہا کہ یہ میرے خلاف جسے سامنے لائے، سوشل میڈیا نے بتا دیا وہ ناروے سے بھاگا ہوا ہے۔

چیئرمین پی ٹی آئی کا کہنا تھا کہ ہم چاہتے ہیں صاف شفاف الیکشن ہوں تاکہ ملک دلدل سے نکل سکے، نواز شریف اور زرداری ڈرے ہوئے ہیں کہ آج الیکشن ہوئے تو یہ ہار جائیں گے۔

انہوں نے کہا کہ جب تک ان دو خاندانوں کی حکومتیں رہیں بھارت، بنگلادیش ہم سے آگے نکل گئے، ان کے مفادات پاکستان سے نہیں ملتے، ان کے بچوں نے برطانوی پاسپورٹ لے لیا ہے۔

عمران خان کا کہنا تھا کہ آج دنیا سمجھتی ہے پاکستان کو قرضہ دیں تو 75 فیصد چانس ہے پاکستان واپس نہیں کرسکے گا۔

انہوں نے کہا کہ ملک پر چوروں کو سازش کے ذریعے بٹھایا گیا، مارچ کے ذریعے بتا رہے ہیں ایسے ظلم اور ناانصافی کو تسلیم نہیں کرتے۔

ان کا کہنا تھا کہ این آر او دینے کا مطلب ہے یہاں قانون کی حکمرانی نہیں ہے، انہوں نے آتے ہی اربوں روپے کے نیب کیسز ختم کر دیے، حکومت کی 60 فیصد کابینہ ضمانت پر ہے، انہوں نے آتے ہی اپنے آپ کو این آر او دے دیا۔

چیئرمین پی ٹی آئی نے کہا کہ جب سے یہ آئے ہیں ملک کا معاشی قتل ہوچکا ہے، یہ دونوں جماعتیں 30 سال سے ملک پر حکومت کرتی رہیں، خود کو بچانے کیلئے یہ ملک کو تباہی کی طرف لے کر جا رہے ہیں۔

ان کا کہنا تھا کہ پاناما کا انکشاف ہوا تو مغرب میں جن کے نام آئے وہ جیل گئے یا مستعفی ہوئے، بڑے چوروں کو قانون کے نیچے لایا جائے۔

انہوں نے مزید کہا کہ ہمیں ارشد شریف کیلئے انصاف چاہیے، سپریم کورٹ پوری تحقیقات کرے۔

قومی خبریں سے مزید

Original Article

190 ملین پاؤنڈ کے معاملے پر فیصل واوڈا نیب میں طلب

حکومت نے انتہائی اہم تعیناتی پر ہیجان برپا کر دیا، شیخ رشید

پاکستان کی سمت کیا ہے؟ 75 سال بعد لوگ سوچنے پر مجبور ہوگئے، شاہ محمود قریشی

توشہ خانہ کی گھڑی اسلام آباد میں بیچی، ثبوت موجود ہے، عمران خان

نادرا اور چھیپا کے درمیان غیرشناخت شدہ لاشوں کی شناخت کیلئے معاہدہ

عمران خان بتائیں ایسا ہیرا ہے جسے 5 سو روپے میں بیچ سکتے ہیں؟ شاہزیب خانزادہ

مریم اورنگزیب کا عمران خان کو عدالت جانے کا چیلنج

ہیلی کاپٹر کیس فائنل کر دیا ہے: چیئرمین نیب

ارشد شریف قتل کیس کا ٹرائل پاکستان میں ہو سکتا ہے: عدالت

ارشد شریف کی تفصیلی پوسٹ مارٹم رپورٹ جیونیوز نے حاصل کر لی

عمران خان جس شرٹ پر دستخط کردے وہ کروڑوں کی ہو جاتی ہے، وسیم شہزاد

اِدھر اُدھر کی باتیں مت کرو، رسیدیں نکالو، مریم نواز

اگر تحائف عمر فاروق کو نہیں بیچے تو کس کو بیچے، جاوید لطیف

جناح انٹرنیشل ایئرپورٹ کے روٹ پر بھی پیپلز بس سروس چلانے کا فیصلہ

ارشد شریف کو گولیاں لگتےہی فوری اسپتال نہیں لے جایا گیا، امریکی نشریاتی ادارہ

توہینِ عدالت کیس:عمران خان نے جواب جمع کرا دیا