نواز شریف آئندہ ماہ پاکستان آرہے ہیں، ایاز صادق کا دعویٰ

وفاقی وزیر سردار ایاز صادق نے نئے برس کے آغاز میں سابق وزیراعظم نواز شریف کی پاکستان واپسی کا دعویٰ کردیا۔

جیو نیوز کے پروگرام کیپٹل ٹاک میں گفتگو کے دوران سردار ایاز صادق نے دعویٰ سے کہا کہ مسلم لیگ (ن) کے قائد نواز شریف آئندہ ماہ پاکستان آرہے ہیں۔

انہوں نے مزید کہا کہ عام انتخابات 2023ء میں ہوں گے، پارٹی امیدواروں کو نواز شریف ہی ٹکٹ جاری کریں گے۔

وفاقی وزیر نے یہ بھی کہا کہ اگست 2023ء میں حکومتی مدت پوری ہورہی ہے، جس کے بعد ہی الیکشن ہوں گے۔

ان کا کہنا تھا کہ مارچ تا جون 2023ء میں اسمبلیوں کا ٹوٹنا نظر آرہا ہے، اگر مارچ میں اسمبلی ٹوٹی تو پھر رمضان اور بجٹ اس دوران آئے گا۔

قومی خبریں سے مزید

اسلام آباد: ضلعی انتظامیہ اور تاجروں کے مذاکرات کے بعد نجی مال ڈی سیل کر دیا گیا