Categories
Breaking news

نسلہ ٹاور کیس:SBCA افسران کے گھر چھاپے

نسلہ ٹاور کیس میں ڈی آئی جی ایسٹ نے نوٹیفکیشن جاری کرکے 5رکنی تحقیقاتی ٹیم بنادی، پولیس کی جانب سے ایس بی سی اے افسران کے گھروں پر چھاپے مارے جا رہے ہیں۔

ذرائع کے مطابق ایس بی سی اے حکام نے نسلہ ٹاور کے 30 ذمہ داران کے نام دیئے ہیں، ڈپٹی ڈائریکٹر ایس بی سی اے صفدر مگسی کا نام بھی فہرست میں شامل ہے۔

نسلہ ٹاور تعمیر کی منظوری دینے والوں کیخلاف تفتیش شروع

نسلہ ٹاور تعمیر کرنے کی منظوری دینے والوں کے خلاف تفتیش کا آغاز کردیا گیا ہے۔

پولیس کی جانب سے ڈپٹی ڈائریکٹر ایس بی سی اے صفدر مگسی کے گھر پر چھاپہ مارا گیا تاہم وہ گھر پر موجود نہیں تھے۔

صفدر مگسی نسلہ ٹاور بنائے جانے کے وقت اسسٹنٹ ڈائریکٹر ایس بی سی اے تھے، سابق ڈی جی ایس بی سی اے منظور قادر عرف کاکا نے صفدر مگسی کو 21 گریڈ پر تعینات کر رکھا تھا۔

پولیس حکام نے بتایا کہ اسسٹنٹ ڈائریکٹرایس بی سی اے ماجد مگسی اور اس وقت کے ڈپٹی ڈائریکٹر سرفراز حسین و دیگر کے نام بھی فہرست میں شامل ہیں۔

نسلہ ٹاور گرانے کا کام ایک ہفتے میں مکمل کرنے کا حکم

چیف جسٹس پاکستان جسٹس گلزار احمد نے کمشنر کراچی کو نسلہ ٹاور گرانے کا کام ایک ہفتے میں مکمل کرنے کا حکم دے دیا۔

دوسری جانب پولیس حکام کا کہنا ہے کہ سندھی مسلم سوسائٹی کے ذمہ داران نے تاحال نام فراہم نہیں کیے ہیں، ان کا انتظار ہے۔

واضح رہے کہ نسلہ ٹاور کیس میں ڈی آئی جی ایسٹ کی قائم کردہ 5رکنی تحقیقاتی ٹیم فیروزآباد میں درج مقدمے کی تحقیقات کررہی ہے۔

تحقیقاتی ٹیم کے انچارج ایس ایس پی ایسٹ انویسٹی گیشن ہیں،کمیٹی نسلہ ٹاور کے ذمہ داران کے خلاف تحقیقات کررہی ہے۔

قومی خبریں سے مزید

Original Article

Leave a Reply

Your email address will not be published.