Categories
Breaking news

نسلہ ٹاور کیس، ڈی جی KDA کو گرفتار کرلیا گیا

نسلہ ٹاور کیس، ڈی جی KDA کو گرفتار کرلیا گیا

نسلہ ٹاور کیس میں کراچی ڈویلپمنٹ اتھارٹی (کے ڈی اے) کے ڈی جی آصف علی میمن کو گرفتار کرلیا گیا۔

محکمہ اینٹی کرپشن کے ذرائع کے مطابق اسسٹنٹ ڈائریکٹر کے ڈی اے عاطف کو بھی گرفتار کیا گیا ہے۔

ذرائع کے مطابق نسلہ ٹاور کیس میں 3 افراد کو گرفتار کیا گیا ہے۔

اس سے قبل نسلہ ٹاور کی تعمیر کے اہم کردار افسران کے خلاف فیروز آباد تھانے میں مقدمہ کے اندراج کے بعد ذمہ داروں کا تعین کرنے کیلئے پولیس کی اعلٰی سطحی پانچ رکنی ٹیم تشکیل دی گئی تھی۔

نسلہ ٹاور ایف آئی آر، تعمیر کے ذمہ دار افسران کے تعین کیلئے پولیس افسران کی ٹیم تشکیل

کراچی میں نسلہ ٹاور کی تعمیر کے اہم کردار افسران کے…

یاد رہے کہ نسلہ ٹاور کی غیر قانونی تعمیر کے کیس میں پولیس نے سندھ بلڈنگ کنٹرول اتھارٹی (ایس بی سی اے) کے ملوث افسران کی فہرست حاصل کرلی تھی، ساتھ ہی شارع فیصل پر نسلہ ٹاور کی تعمیر کی اجازت دینے کے اہم اجلاس کا لیٹر بھی پولیس نے حاصل کرلیا تھا۔

نسلہ ٹاور کی غیرقانونی تعمیر: پولیس نے ملوث ایس بی سی اے افسران کی فہرست حاصل کرلی

عدالت کے حکم پر نسلہ ٹاور کی غیر قانونی تعمیر کے خلاف فیروز آباد تھانے میں مقدمہ درج کرنے کے بعد پولیس متحرک ہوگئی۔

واضح رہے کہ سپریم کورٹ نے نسلہ ٹاور کیس میں محکمہ اینٹی کرپشن کو ذمہ داروں کے خلاف کارروائی کا حکم دے رکھا ہے۔

قومی خبریں سے مزید

Original Article

Leave a Reply

Your email address will not be published. Required fields are marked *