Categories
Breaking news

نریندر مودی سب سے بڑا دہشت گرد اور امن دشمن ہے، گورنر پنجاب

Advertisement
جنگ نیوز

گورنر پنجاب چوہدری محمد سرور کا بھارتی وزیر اعظم سے متعلق کہنا ہے کہ نریندر مودی سب سے بڑا دہشت گرد اور امن دشمن ہے۔

گورنر پنجاب چوہدری محمد سرور کی جانب سے سماجی رابطے کی ویب سائٹ ٹوئٹر پر بھارتی بربریت کے خلاف بیان میں کہا گیا ہے کہ بھارت کی مسلم دشمنی خطے میں انارکی کو ہوا دے رہی ہے، کشمیر میں مسجد پر بمباری مذہبی آزادی کا قتل ہے، امت مسلمہ کو خاموشی ختم کر کے بھارتی دہشت گردی کےخلاف کھڑا ہونا ہوگا۔

گورنرپنجاب نے کشمیر میں مسجد پر بھارتی افواج کی بمباری کی ویڈیو بھی شیئر کر تے ہوئے مزید کہا ہے کہ کونسا مذہب مذہبی مقامات کی بے حرمتی کی اجازت دیتا ہے؟

اُن کا کہنا تھا کہ بدقسمتی سے یو این او کا مردہ ضمیر بلکتے کشمیریوں کی آواز سننے سے قاصر ہے، جب تک مسئلہ کشمیر حل نہیں ہوتاخطے میں امن قائم نہیں ہوسکتا۔

گورنر پنجاب نے مزید کہا کہ بھارت سن لے وہ کشمیریوں کی تحریک آزاد کی آواز دبا نہیں سکتا۔

قومی خبریں سے مزید

Original Article

Leave a Reply

Your email address will not be published. Required fields are marked *