Categories
Breaking news

ناکام خارجہ پالیسی کی وجہ سے کشمیری جبر کا شکار ہیں، آصف زرداری

ناکام خارجہ پالیسی کی وجہ سے کشمیری جبر کا شکار ہیں، آصف زرداری

سابق صدر آصف علی زرداری کا کہنا ہے کہ ہماری حکومت ہوتی تو مودی مقبوضہ کشمیر کی تاریخی حیثیت ختم کرنے کی جرات نہ کرتا، ناکام خارجہ پالیسی کی وجہ سے کشمیری جبر و تشدد کا نشانہ بن رہے ہیں۔

یوم یکجہتی کشمیر پر اپنے پیغام میں سابق صدر آصف علی زرداری نے کہا کہ کشمیریوں کی سیاسی، اخلاقی، سفارتی حمایت ہمارے منشور کا حصہ ہے۔

ان کا مزید کہنا تھا کہ پیپلز پارٹی اقتدار میں آتی ہے تو کشمیر کی آزادی کیلئے رائے عامہ تیار کرتی ہے، خطے میں امن کیلئے کشمیریوں کو رائے شماری کا حق دیا جائے۔

آصف علی زرداری نے یہ بھی کہا کہ مقبوضہ کشمیر کی بھارت سے آزادی ذوالفقار علی بھٹو کا خواب تھا، پی پی پی قائد عوام کے خواب کی تعبیر کرے گی۔

عالمی دنیا کشمیر مظالم پر کب تک خاموش رہے گی؟، شیری رحمٰن

پیپلز پارٹی کی رہنما شیری رحمٰن کا کہنا ہے کہ عالمی دنیا کشمیر مظالم پر کب تک خاموش رہی گی؟، 5 اگست 2019 سے اب تک مقبوضہ کشمیر ایک جیل بنا ہوا ہے

خیال رہے کہ پاکستان سمیت دنیا بھر میں یوم یکجہتی کشمیر آج منایا جارہا ہے، مقبوضہ کشمیر میں بھارت کی ریاستی دہشت گردی اور نہتے کشمیریوں پر مظالم جاری ہیں۔

یومِ یکجہتی کشمیر کی مناسبت سے مظفر آباد کے آزادی چوک میں بھارت کے خلاف احتجاج کیا گیا۔

قومی خبریں سے مزید

Original Article

Leave a Reply

Your email address will not be published.