Categories
Breaking news

ناظم جوکھیو قتل، ملزمان کو ECL میں ڈالنے کی منظوری

ناظم جوکھیو قتل، ملزمان کو ECL میں ڈالنے کی منظوری

ناظم جوکھیو قتل کیس کے تمام ملزمان کے نام ای سی ایل میں ڈالنے کی منظوری دے دی گئی۔

ذرائع کے مطابق وفاقی کابینہ سے سرکولیشن کے ذریعے سمری کی منظوری لے لی گئی ہے۔

جام کریم و اویس کا نام ECL میں ڈالنے کی منظوری

ذرائع نے بتایا ہے کہ ایم این اے جام عبد الکریم اور رکنِ سندھ اسمبلی جام اویس کا نام ای سی ایل میں شامل کرنے کی منظوری دی گئی ہے۔

پی پی MNA جام عبدالکریم نے پاکستان واپسی کی ٹکٹ بک کروالی، ذرائع

ذرائع کا کہنا ہے کہ پیپلزپارٹی کے ایم این اے جام عبدالکریم نے پاکستان واپسی کی ٹکٹ بک کروالی ہے۔

ذرائع کا کہنا ہے کہ وفاقی کابینہ نے دیگر ملزمان نیاز سالار، حیدر علی، میر علی، محمد معراج اور جام احمد جمال کے نام بھی ای سی ایل میں شامل کرنے کی منظوری دی ہے۔

وفاقی کابینہ کے سرکولیشن کے ذریعے ناظم جوکھیو قتل کیس میں ملزمان عطاء محمد اور زاہد کے نام بھی ای سی ایل میں شامل کرنے کی منظوری دی گئی ہے۔

وزارتِ داخلہ نے سمری وفاقی کابینہ کو بھجوائی

ذرائع نے مزید بتایا ہے کہ وزارتِ داخلہ نے سمری منظوری کے لیے وفاقی کابینہ کو بھجوائی تھی۔

ذرائع کا یہ بھی کہنا ہے کہ کابینہ کی ای سی ایل کمیٹی نے ناظم جوکھیو قتل کیس کے ملزمان کے نام ای سی ایل میں شامل کرنے کی سفارش کی تھی۔

قومی خبریں سے مزید

Original Article

Leave a Reply

Your email address will not be published.