موٹر وے پر بارش: پولیس کی شہریوں کیلئے ہدایت

—فائل فوٹو

موٹر وے ایم 2، پشاور تا کوٹ مومن، سوات ایکسپریس وے کرنل شیر خان انٹر چینج سے چکدرا اور ای 35 برہان سے تھاکوٹ تک وقفے وقفے سے بارش کا سلسلہ جاری ہے۔

ترجمان نیشنل ہائی ویز اینڈ موٹر وے پولیس نے ہدایت کی ہے کہ بارش کے دوران شہری غیر ضروری سفر سے گریز کریں، دورانِ سفر رفتار آہستہ رکھیں۔

موٹر وے پولیس کا کہنا ہے کہ بارش کے دوران گاڑیوں کے درمیان مناسب فاصلہ معمول سے زیادہ رکھیں۔

موٹر وے پولیس نے شہریوں کو ہدایت کی ہے کہ بارش میں ان کی گاڑی کے وائپر درست حالت میں ہوں اور ضرورت کے مطابق پارکنگ لائٹ اور ہیڈ لائٹ کا استعمال کریں۔

موٹر وے پولیس نے شہریوں سے درخواست کی ہے کہ کسی بھی مدد کی صورت میں نیشنل ہائی ویز اینڈ موٹر وے پولیس کی ہیلپ لائن 130 سے رابطہ کیا جا سکتا ہے۔

قومی خبریں سے مزید

حبسِ بےجا کیس: عارف گل سپریم کورٹ میں پیش