مولا بخش چانڈیو نے پٹرول کی قیمت میں اضافے کو’ایک اور ڈاکا‘قرار دیدیا

پیپلز پارٹی کے سینیٹر مولا بخش چانڈیو نے نئے سال کے آغاز پر پٹرولیم مصنوعات کی قیمتوں میں اضافے کو’ایک اور ڈاکا‘ قرار دیا ہے۔

حیدر آباد سے جاری بیان میں مولا بخش چانڈیو نے کہا کہ نئے سال کے آغاز پر ڈاکا ڈال کر حکومت نے بتا دیا کہ اقتدار پر ڈاکو قابض ہیں۔

انہوں نے کہا کہ عوام کی جیبوں پر ڈاکے ڈال ڈال کر بھی حکومت کا پیٹ نہیں بھرا، پٹرولیم مصنوعات پر سال کے پہلے دن ہی اضافہ ایک اور ڈاکا ہے۔

پی پی سینیٹر نے مزید کہا کہ منی بجٹ کے ذریعے نمک، مرچیں اور دودھ تک مہنگا کردیا گیا، ان ظالم حکمرانوں کے بس میں ہو تو پوری قوم کو زہر دے کر مار دیں۔

قومی خبریں سے مزید

وقت میٹرو ٹرین، صحت کارڈ ہی نہیں اور بہت کچھ بتائے گا، عرفان صدیقی