Categories
Breaking news

مودی حکومت کی ناکام پالیسیوں پر شدید تنقید، راہول گاندھی کا بڑا بیان سامنے آگیا

Advertisement
Advertisement

مودی اور راہول گاندہی

بھارت میں حزب اختلاف کے کئی رہنماؤں کی جانب سے کورونا وائرس کے بحران کے تناظر میں پھیلی بدنظمی کے حوالے سے مودی حکومت پر شدید نکتہ چینی کا سلسلہ جاری ہے۔

کانگریس کے سینئر رہنما اور سابق صدر راہول گاندھی نے کوویڈ 19 وبا کے سلسلے میں وزیراعظم نریندر مودی پر براہ راست تنقید کرتے ہوئے کہا ہے کہ ان کے غرور کی وجہ سے یہ وبا ملک بھر میں پھیل گئی ہے۔

ان خیالات کا اظہار انہوں نے سماجی رابطے کی ویب سائٹ ٹوئٹر پر اپنے پیغام میں کیا، راہول گاندھی نے اپنے ٹوئٹ میں لکھا، کہ کورونا سے متاثرہ افراد کی تعداد اس ہفتے 50 لاکھ اور فعال کیسز کی تعداد 10 لاکھ سے بڑھ جائے گی۔

ان کہنا تھا کہ منصوبہ بندی کے بغیر ملک بھر میں لاک ڈاؤن نافذ کیا گیا، یہ سب ایک شخص کے غرور کی وجہ سے ہے جس کی وجہ سے کورونا وائرس ملک بھر میں پھیل گیا۔

انہوں نے وزیراعظم مودی پر کوویڈ 19 کو سنجیدگی سے نہ لینے کا الزام لگاتے ہوئے کہا کہ مودی حکومت نے کہا خود کفیل بنیئے یعنی اپنی جان خود ہی بچا لیجئے کیونکہ وزیراعظم مور کے ساتھ مصروف ہیں۔

دراصل راہول گاندھی ان کا اشارہ وزیر اعظم مودی کی جانب سے پچھلے دنوں شیئر کئے گئے ان کی اس ویڈیو کی طرف تھا جس میں وزیراعظم مور کو دانہ کھلاتے ہوئے نظر آرہے ہیں۔ انہوں نے ایک نظم لکھ کر یہ ویڈیو شیئر کی تھی۔

Advertisement

Leave a Reply

Your email address will not be published. Required fields are marked *