Categories
Breaking news

ملزم پیراں دتہ کی برطانیہ کو حوالگی، وفاق سے جواب طلب

Advertisement
پیراں دتہ کی برطانیہ کو حوالگی، انکوائری مجسٹریٹ کوسماعت جاری رکھنے کا حکم

اسلام آباد ہائی کورٹ نے پاکستانی نژاد برطانوی شہری پیراں دتہ کی قتل کیس میں برطانیہ کو حوالگی کے معاملے میں انکوائری مجسٹریٹ کو حکم دیا ہے کہ وہ پیراں دتہ کیس کی سماعت جاری رکھیں، اس پر حتمی فیصلہ نہ کریں، جبکہ وفاق کو نوٹس جاری کرتے ہوئے اس سے جواب طلب کر لیا۔

Advertisement

ملزم پیراں دتہ کی درخواست پر سماعت اسلام آباد ہائی کورٹ کے جسٹس محسن اختر کیانی نے کی جبکہ ملزم کی جانب سے وکیل تنویر اقبال عدالت کے سامنے پیش ہوئے۔

وکیل تنویر اقبال نے عدالت میں مؤقف اختیار کیا کہ اس کیس میں جن ملزمان کو برطانیہ میں سزا ہوئی اس کا ریکارڈ لینے کی درخواست دی ہے، انکوائری مجسٹریٹ نے ہماری درخواست مسترد کر کے سارے کیس کا حتمی فیصلہ کر دیا۔

پاکستان کا برطانیہ سے بانی متحدہ، محمد انور اور افتخار حسین کی حوالگی کا مطالبہ

برطانیہ کو لکھے گئے خط میں کہا گیا کہ پاکستان کے تعاون کے سبب قاتلوں کو سزائیں ہوئیں اب برطانیہ تعاون کرتے ہوئے ملزمان کو کیفرکردار تک پہنچائے۔

x
Advertisement

وکیل نے کہا کہ ابھی سیکشن افسر کو انکوائری مجسٹریٹ نے بلا رکھا ہے، وہ حتمی کارروائی ہے، اسی عدالت نے فیصلہ دے رکھا ہے کہ تفتیشی افسر کا یہاں آ کر بیان ریکارڈ کرانا ضروری ہے۔

وکیل تنویر اقبال نے یہ بھی کہا کہ سپریم کورٹ میں ملزم کی برطانیہ حوالگی کا اسی نوعیت کا کیس زیرِ التوا ہے، سپریم کورٹ نے یوکے اور یو ایس اے میں اس حد تک کتنے ملزمان کا تبادلہ ہوا، اس کی تفصیلات طلب کی ہیں۔

عدالتِ عالیہ نے پیراں دتہ کی درخواست پر وفاق کو نوٹس جاری کرتے ہوئے جواب طلب کر لیا اور کیس کی مزید سماعت 10 دسمبر تک ملتوی کر دی۔

یہ بھی پڑھیے

واضح رہے کہ پیراں دتہ خان پر 18 نومبر 2005ء کو برطانیہ میں لیڈی پولیس اہلکار کو قتل کرنے کا الزام ہے۔

پیراں دتہ نے انکوائری مجسٹریٹ اسلام آباد کا 9 نومبر کا حکم اسلام آباد ہائی کورٹ میں چیلنج کر رکھا ہے۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *