Categories
Breaking news

مقتول صحافی ارشد شریف کا سامان پاکستان پہنچا دیا گیا

مقتول صحافی ارشد شریف کا سامان پاکستان پہنچا دیا گیا

مقتول صحافی اور اینکر پرسن ارشد شریف کا سامان پاکستان پہنچادیا گیا ہے۔

وفاقی تحقیقاتی ادارے ایف آئی اے حکام پاکستان پہنچنے والا سامان مقتول صحافی ارشد شریف کی فیملی کے حوالے کریں گے۔

تفتیشی ٹیم کو ارشد شریف کے خون سے متاثرہ کپڑے بھی مل گئے ہیں، جو فارنزک ٹیسٹ کے لیے بھجوائے جائیں گے۔

ارشد شریف قتل کیس: تحقیقاتی ٹیم دبئی میں سلمان اقبال سے پوچھ گچھ کرے گی

سینئر صحافی اور اینکر پرنس ارشد شریف قتل کیس میں دو رکنی تحقیقاتی ٹیم دبئی میں اے آر وائی کے مالک سلمان اقبال سے پوچھ گچھ کرے گی۔

مقتول صحافی اور اینکر پرسن کی موت کی تفتیش کرنے والی پاکستانی ٹیم فی الحال دبئی میں سرگرم ہے۔

تحقیقاتی ٹیم نے اے آر وائی کے مالک سلمان اقبال اور طارق وصی کو سوال نامہ بھیج دیا ہے، جس میں کہا گیا ہے کہ حقائق جاننے کے لیے قائم کمیٹی کے سامنے پیش ہوکر بیان ریکارڈ کرائیں۔

ذرائع کے مطابق ٹیم نے سوال نامے کے ذریعے سلمان اقبال اور طارق وصی سے فون کا ریکارڈ اور اپنا مکمل موقف پیش کرنے کو بھی کہا ہے۔

ذرائع کے مطابق وقار احمد نے ارشد شریف کو جو کینیا کا ویزا لے کر دیا تھا، وہ ویزا اے آر وائی کے مالک سلمان اقبال کی ہدایت پر طارق وصی کے توسط سے لے کر دیا۔

تحقیقاتی ٹیم طارق وصی سے پوچھے گی کہ کس کے کہنے پر انہوں نے ارشد شریف کو کینیا کا ویزا دلانے کے لیے کام کیا؟

ذرائع کے مطابق وقار احمد نے تحقیقاتی ٹیم کو بتایا کہ انہوں نے سلمان اقبال کے کہنے پر ارشد شریف کو اسپانسر کیا تھا۔

پاکستانی تفتیش کاروں نے دبئی پولیس سے پاکستانی قونصل جنرل کے ذریعے تعاون کرنے کی درخواست کر دی ہے۔

پاکستانی تفتیش کاروں میں ایف آئی اے کے اطہر وحید اور آئی بی کے عمر شاہد حامد شامل ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *