مفرور قاتلوں کو ووٹ ڈالنے کیلئے دبئی سے لایا جا رہا ہے: شیخ رشید

وفاقی وزیرِ داخلہ شیخ رشید احمد کا کہنا ہے کہ مفرور قاتلوں کو بھی دبئی سے ووٹ ڈالنے کے لیے لایا جا رہا ہے، اس کا مطلب یہ ہے کہ ان کی کانپیں ٹانگ رہی ہیں۔

اسلام آباد میں پریس کانفرنس کرتے ہوئے انہوں نے کہا کہ ناظم جوکھیو کے قتل میں نامزد ایم این اے جام عبد الکریم دبئی سےووٹ ڈالنے آ رہے ہیں، جنہیں وطن واپسی پر گرفتار کریں گے، ان کا نام ای سی ایل اور انٹرپول میں بھی ڈلوائیں گے، ان کی گرفتاری کے سلسلے میں آئی جی سندھ سے بات ہو گئی ہے۔

وزیرِ داخلہ شیخ رشید نے کہا کہ دھرنے کی کسی کو اجازت نہیں، 3 یا 4 اپریل کو عدم اعتماد پر ووٹنگ ہو گی، اپوزیشن کے تمام ارکان کو مکمل پروٹیکشن دیں گے، ان شا ءاللّٰہ عمران خان فتح یاب ہوں گے، اتحادی بھی ہمارے ساتھ ہوں گے، ڈی جی ایف آئی اے کو کہا ہے کہ پاک فوج کے خلاف بولنے والوں کو اٹھائیں۔

ان کا کہنا ہے کہ منحرف ارکان اسلام آباد کے فائیو اسٹار ہوٹلز میں مزے کر رہے ہیں، کسی کو کسی کا راستہ روکنے کی اجازت نہیں دیں گے، ہر کوئی سن لے، کسی نے امن و امان کو ہاتھ میں لیا تو قانون اس کو ہاتھ میں لے گا، ٹکراؤ سے گریز کیا جائے۔

شیخ رشید نے کہا کہ ہماری کوشش ہوگی کہ 7 روز خوش اسلوبی سے گزریں، اپوزیشن نے کوئی غلطی کی تو سزا بھی یہی بھگتیں گے، کل (27 مارچ کو) پریڈ گراؤنڈ میں عوام کا سمندر ہو گا، جس سے عمران خان خطاب کریں گے۔

انہوں نے کہا کہ کسی کو ریڈ زون میں آنے کی اجازت نہیں ہو گی، اتحادیوں کے ساتھ اور ناراض لوگوں کے ساتھ بھی بات چیت ہو رہی ہے، راولپنڈی کی ریلی پاکستان کی سب سے بڑی ریلی ہو گی، راولپنڈی کا حلقہ وفاداریوں کو پسند کرتا ہے، پنڈی شہر کی ریلی کو میں خود لیڈ کروں گا۔

وزیرِ داخلہ نے کہا کہ دھرنا اگر دیا گیا تو عدالت کی ایڈوائس پر کام کریں گے، اپوزیشن نے عمران خان کو مقبولیت کی معراج پر پہنچا دیا ہے، دھرنے کی کسی کو اجازت نہیں، اگر کسی نے دھرنا دیا تو دھر لیا جائے گا، فوج کو طلب کرنے کا اختیار رکھتے ہیں۔

انہوں نے کہا کہ وزیرِ اعظم عمران خان کو سندھ میں گورنر راج کی تجویز دی، وہ انہوں نے مسترد کر دی، ایمرجنسی کی رائے دی وہ بھی انہوں نے مسترد کر دی، میری رائے ہے کہ مقبولیت کو دیکھتے ہوئے جلد انتخابات کرائے جائیں، میں نے قبل از وقت انتخابات کی تجویز عمران خان کو دی، وزیرِ اعظم نے یہ رائے بھی مسترد کر دی۔

شیخ رشید کا کہنا ہے کہ ابھی تک تو حالات صحیح ہیں، جے یو آئی سرینگر ہائی وے سے اسٹیج ہٹا کر پارکنگ سائیڈ پر لے گئی ہے، تمام پارٹیوں کے راستے کلیئر رکھیں گے، کسی کو کسی کا راستہ روکنے کی اجازت نہیں دیں گے، تحریکِ عدم اعتماد گزر جائے تو بتاؤں گا کہ ملک دشمن عناصر او آئی سی کانفرنس کو کیسے نقصان پہنچانا چاہتے تھے۔

ان کا کہنا ہے کہ وزارتِ داخلہ کو اختیار ہے کہ وزیرِ اعظم اور کابینہ کی منظوری سے آرٹیکل 245 کے تحت فوج کو طلب کر سکتی ہے، اللّٰہ کرے وہ وقت نہ آئے، امید ہے نہیں آئے گا، کوئی ملک دشمن بھی شرارت کر سکتا ہے، ہمیں پوری کوشش کرنی ہے کہ ہم سیاسی طورپر میچیور ہونے کا ثبوت دیں، اگر خدانخواستہ کوئی ٹکراؤ ہو گا تو اس کی رپورٹ ہم نے سپریم کورٹ کو کر دی ہے۔

وزیرِ داخلہ نے کہا کہ آرٹیکل 245 کے تحت انتظامیہ وزراتِ داخلہ کو ایمرجنسی کا لکھتی ہے، وزارتِ داخلہ درخواست وزیرِ اعظم اور کابینہ کو بھیجتی ہے، جن کی منظوری کے بعد ایمرجنسی لگتی ہے، ابھی شیئر نہیں کر سکتا کہ دشمنوں کا ایجنڈا کیا تھا، سری نگر ہائی وے رینجرز اور ایف سی کے حوالے کی ہے۔

شیخ رشید نے یہ بھی کہا کہ جے یو آئی کو صرف آج تک جلسہ کرنے کی ہدایت کی ہے، جے یو آئی اگر کل جلسہ کرے گی تو اسے نئی درخواست دینا ہو گی، ن لیگ نے سری نگر ہائی وے کی اجازت مانگی تھی، اس کی یہ درخواست مسترد کر دی ہے۔

قومی خبریں سے مزید

Original Article

عمران خان کے 14 حکومتی ارکان سامنے آنے پر ہاتھ پاؤں پھول گئے، جاوید لطیف

لاہور: PTI کا کیمپ جلا دیا گیا

ڈی آئی جی کی گاڑی کے پیچھے دوڑنے والی بیوہ کی ویڈیو وائرل

اسلام آباد: جلسوں کے باعث ریڈ زون سِیل کرنے کا فیصلہ

عمران خان، اسد عمر کو الیکشن کمیشن کی کارروائی پر اسٹے آرڈر نہ مل سکا

گلگت سے PTI کی ریلی کی اسلام آباد آمد

امر بالمعروف جلسہ، تیاری پکڑو چوہوں، اب ٹانگیں نہ کانپیں، فواد چوہدری کا پیغام

سیاسی کمیٹی آج بھی بنی گالہ طلب

عمران خان کا کارڈ جلد سامنے آنیوالا ہے: فیصل جاوید

حکومتی وفد چوہدری برادران کو منانے کیلئے روانہ

پاکستان: کورونا شرح 1 فیصد سے کم، مزید 4 مریض جاں بحق

عون چوہدری مدینہ میں ہیں؟

لاہور: پتنگ کی ڈور پھرنے سے 2 افراد زخمی، 1 کی حالت تشویشناک

کمالیہ، وزیراعظم آج دوپہر 3 بجے جلسے سے خطاب کریں گے

مریم اور حمزہ کی قیادت میں ن لیگ کا مہنگائی مکاؤ مارچ آج روانہ ہوگا

کراچی، موسم آج بھی شدید گرم رہے گا