مفتیٔ اعظم پاکستان، دارالعلوم کراچی کورنگی کے رئیس مفتی محمد رفیع عثمانیؒ کی نمازِ جنازہ ادا کر دی گئی۔
دارالعلوم کراچی کورنگی میں مفتی رفیع عثمانیؒ کی نمازِ جنازہ ان کے بھائی مفتی تقی عثمانی نے پڑھائی۔
نمازِ جنازہ میں گورنر سندھ کامران ٹیسوری، پی ڈی ایم و جمعیت علمائے اسلام کے امیر مولانا فضل الرحمٰن، امیرِ جماعتِ اسلامی کراچی حافظ نعیم الرحمٰن، علمائے کرام اور دیگر سیاسی شخصیات نے شرکت کی۔
مفتی رفیع عثمانیؒ مرحوم کی نمازِ جنازہ میں بڑی تعداد میں عوام بھی شریک ہوئے۔
مفتی محمد رفیع عثمانیؒ کو ان کے والدِ گرامی مفتیٔ اعظم پاکستان مفتی محمد شفیع عثمانیؒ اور دیگر مشائخ کے پہلو میں دارالعلوم کراچی کے احاطے میں سپردِ خاک کیا جائے گا۔
مفتی رفیع عثمانیؒ جمعے کی شب انتقال کر گئے تھے
مفتی محمد رفیع عثمانیؒ جمعے کی شب طویل علالت کے بعد کراچی میں انتقال کر گئے تھے۔
ان کے قریبی عزیز و اقارب اور فیملی کے بعض افراد کی بیرونِ ملک سے پاکستان واپسی میں تاخیر کے باعث نمازِ جنازہ کے اعلان میں تاخیر کرنا پڑی۔
مفتی محمد رفیع عثمانیؒ کی رحلت پر صدر وفاق المدارس مولانا مفتی محمد تقی عثمانی، سینئر نائب صدر وفاق مولانا انوار الحق اور ناظمِ اعلیٰ وفاق المدارس مولانا محمد حنیف جالندھری سمیت دیگر نے اظہارِ تعزیت کیا ہے۔
ممتاز عالم دین مفتی رفیع عثمانی کی نماز جنازہ آج ادا کی جائے گی
کراچی مفتی اعظم پاکستان دارالعلوم کراچی کے رئیس…
جمعیت علمائے اسلام اور پی ڈی ایم کے سربراہ مولانا فضل الرحمٰن نے درالعلوم کراچی کا دورہ کیا اور مفتیٔ اعظم پاکستان مولانا مفتی محمد رفیع عثمانیؒ کی رحلت کو امتِ مسلمہ کے لیے ناقابلِ تلافی نقصان قرار دیا۔
ملک بھر کے علمائے کرام، مشائخ، سیاسی رہنماؤں اور حکومتی شخصیات کا کہنا ہے کہ مفتی محمد رفیع عثمانیؒ کی رحلت سے پیدا ہونے والا خلاء کبھی پُر نہیں ہو سکے گا۔
قومی خبریں سے مزید
-
موسمیاتی تبدیلیوں سے متعلق پاکستانی کوششیں رنگ لے آئیں
موسمیاتی تبدیلیوں سے متعلق پاکستان کی سفارتی کوششیں رنگ لے آئیں، اقوام متحدہ کے تحت کوپ 27 اجلاس میں ماحولیاتی نقصان کے ازالے کے لیے فنڈ قائم کرنے پر اتفاق ہو گیا۔
-
بلوچستان، 3 ماہ سے تعطل کا شکار ٹرین سروس آج سے بحال
بلوچستان میں مون سون بارشوں اور سیلاب کے باعث تین ماہ سے تعطل کا شکار ٹرین سروس آج سے بحال کر دی جائے گی۔
-
جمہوریت کا نعرہ لگانے والے مارشل لاء لگانا چاہتے ہیں، احسن اقبال
پاکستان قونصلیٹ جدہ میں پاکستانی کمیونٹی سےخطاب میں انہوں نے کہا کہ سابق حکومت نے اقتدار جانےکا اتنا غم لیا کہ قوم کو ایک دوسرے کا گریبان پکڑا دیا۔
-
پاکستانی پاسپورٹ پر بیرون ملک گرفتار غیر ملکیوں کیخلاف تحقیقات میں سست روی
ایف آئی اے ذرائع کے مطابق ایک ایف آئی آر میں نامزد 16 پاسپورٹس کی تفصیلات پاسپورٹ ڈائریکٹوریٹ نے ایف آئی اے کو ارسال کی تھیں۔
-
خوشی ہے عمران خان نے میرے موقف کی تائید کی، سراج الحق
امیر جماعت اسلامی پاکستان سینیٹر سراج الحق نے کہا ہے کہ خوشی ہے کہ چیئرمین پاکستان تحریک انصاف (پی ٹی آئی) عمران خان نے میرے موقف کی تائید کی ہے۔
-
ججز کو آخرت میں جوابدہ ہونا ہوگا، جسٹس قاضی فائز عیسٰی
جسٹس قاضی فائز عیسیٰ نے کہا کہ بلوچستان کے وکلا کی بھی عدلیہ کیلئے بڑی قربانی ہے، کچھ لوگوں کی اقتدار کی ہوس کے باعث ملک کو نقصان ہوا۔
-
مٹیاری موٹروے فنڈز میں کرپشن کی تفتیش کا دائرہ کار بڑھانے کا فیصلہ
ضلعی انتظامیہ کے بعض دیگرافسران کو بھی شاملِ تفتیش کرنے کا فیصلہ کیا گیا ہے۔
-
اسلامیہ کالج کی زمین کے ایم سی کی ملکیت ہے، عبدالعلیم لاشاری
سیکریٹری کالج ایجوکیشن نے کہا کہ سات ہزار سے زائد بچوں کو تنہا نہیں چھوڑا جا سکتا، سندھ حکومت ہر فورم پر طلبہ کا تحفظ کرے گی۔
-
دبئی: ٹریفک کنٹرول کرنے پر پاکستانی شہری کےلیے اعزاز
متحدہ عرب امارات (یو اے ای) میں پاکستانی شہری عباس خان کو دبئی کے ایک چوراہے پر ٹریفک کنٹرول کرنے پر اعزاز سے نوازا گیا ہے۔
-
بلاول صدر کو دھمکانے کی کوشش کررہے ہیں، شیریں مزاری
شیریں مزاری نے بلاول بھٹو کے بیان پر ردعمل میں کہا کہ کیا مسلح افواج کے سپریم کمانڈر کو دی جانے والی دھمکی کا نوٹس لیا جائے گا۔
-
منڈی بہاء الدین: پی ٹی آئی رہنما فائرنگ سے زخمی، ڈرائیور جاں بحق
پولیس کے مطابق اس واقعے میں پی ٹی آئی رہنما فلک شیر زخمی ہوگئے ہیں جبکہ ان کا ڈرائیور جاں بحق ہوگیا۔
-
پی ٹی آئی ورکرز کنونشن میں پارٹی ایم این اے کے خلاف نعرے لگ گئے
ایم این اے ساجد مہمند کے خلاف نعرے بازی کا واقعہ پی ٹی آئی رہنما پرویز خٹک کی تقریر کے دوران پیش آیا۔
-
اسلام آباد کے داخلی و خارجی راستوں پر سیکیورٹی الرٹ
پولیس کا کہنا ہے کہ امن عامہ کی صورتحال کےدوران باڈی کیمروں کا استعمال اسلام آباد میں پہلی بار ہوگا،جدید ٹیکنالوجی سے لیس پولیس،ایف سی اور رینجرز کےجوان ڈیوٹی دیں گے۔
-
26 نومبر امپائر کی انگلی اُٹھے بغیر گزر جائے گی، مریم اورنگزیب
مریم اورنگزیب نے کہا کہ جھوٹی آزادی کےجھوٹ نے بے گناہوں کی جان لی، بچوں کو یتیم کر دیا، صحافی شہید ہوئے، قومی مفادات سے کھیل کھیلا، خارجہ پالیسی تباہ کی۔
-
تجربہ کار حکومت نے مہنگائی کو عروج پر پہنچا دیا، پرویز خٹک
پاکستان تحریک انصاف خیبر پختونخوا کے صدر اور سابق وزیر دفاع پرویز خٹک نے کہا ہے کہ تجربہ کار حکومت نے مہنگائی عروج پر پہنچا دی۔
-
ڈنڈے کے زور پر سیاست چل سکتی ہے معیشت نہیں، حماد اظہر
پاکستان تحریک انصاف (پی ٹی آئی) سینئر رہنما اور سابق وفاقی وزیر حماد اظہر نے کہا ہے کہ ڈنڈےکے زور پر سیاست کچھ دن چل سکتی ہے معیشت نہیں ۔