Categories
Breaking news

مفتاح کی تکرار اور تلخ کلامی کی ویڈیو وائرل

Advertisement

کراچی کے حلقے این اے 249 کے ضمنی انتخابات میں مسلم لیگ نون کے امیدوار مفتاح اسماعیل کی مارکیٹ میں مخالفین سے تکرار، نوک جھونک اور تلخ کلامی کی ویڈیو وائرل ہوگئی، مفتاح نے وضاحتی بیان میں کہا کہ مجھے گالی نہیں دینا چاہئے تھی، یہ میری غلطی تھی۔

Advertisement

ویڈیو میں دیکھا جاسکتا ہے کہ مفتاح اسماعیل اپنی جماعت کے قائد نواز شریف کو ایک شخص کی جانب سے چور کہنے پر مشتعل ہوگئے اور ان کی زبان سے غیر پارلیمانی الفاظ بھی نکلے۔

سوشل میڈیا پر وائرل ہونے والی ویڈیو سے متعلق مفتاح اسماعیل نے اپنے وضاحتی بیان میں کہا کہ ویڈیو ایک ماہ پرانی ہے، میں ایک مارکیٹ میں گیا تھا، وہاں کسی اور سیاسی پارٹی کے ورکر چلا رہے تھے۔

کراچی ضمنی انتخاب، ANP کا نون لیگ کی حمایت کا اعلان

حزبِ اختلاف کے اتحاد پاکستان ڈیموکریٹک موومنٹ (پی ڈی ایم) چھوڑنے والی عوامی نیشنل پارٹی (اے این پی) نے کراچی میں مسلم لیگ نون کی حمایت کا اعلان کر دیا۔

مفتاح اسماعیل نے بتایا کہ وہ نواز شریف کو چور کہہ رہے تھے، میں نے کہا نواز شریف کو چور مت کہیں، جب دوسری مرتبہ انہوں نے نواز شریف کو چور کہا تو میں نے کہا آپ خود چور ہیں۔

لیگی رہنما نے کہا کہ بہرحال اس موقع پر مجھے گالی نہیں دینا چاہئے تھی، یہ میری غلطی تھی۔

واضح رہے کہ این اے 249 پر ہونے والے ضمنی انتخاب میں اے این پی نے آج مسلم لیگ کے رہنما و امیدوار مفتاح اسماعیل کی حمایت کا اعلان کیا ہے۔

اے این پی نے این اے 249 سے اورنگزیب بونیری کو کھڑا کیا تھا، تاہم مفتاح اسماعیل کے حق میں عوامی نیشنل پارٹی نے اپنے امیدوار کو دستبردار کرا دیا۔

مفتاح اسماعیل کے حق میں دستبردار ہونے والے حاجی اورنگزیب خان بونیری نے کہا کہ پارٹی فیصلوں کے پابند ہیں، امید ہے مسلم لیگ نون ضمنی انتخاب میں کامیاب ہو گی۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *