معظم کو کلاشنکوف، عمران خان کو پستول کی گولی لگی: فیصل واؤڈا

فیصل واؤڈا—فائل فوٹو

پاکستان تحریکِ انصاف کے سابق رہنما فیصل واؤڈا کا کہنا ہے کہ وزیرِ آباد میں پی ٹی آئی کے لانگ مارچ میں معظم کو کلاشنکوف اور عمران خان کو پستول کی گولی لگی۔

’’3 سانپ عمران خان کی جگہ وزارتِ عظمیٰ کے امیدوار ہیں‘‘

’جیو نیوز‘ کے پروگرام ’کیپٹل ٹاک‘ میں میزبان حامد میر سے خصوصی گفتگو کرتے ہوئے تحریکِ انصاف کے سابق رہنما فیصل واؤڈا نے کہا ہے کہ 3 سانپ عمران خان کو پیچھے دھکیلنے اور ان کی جگہ وزیرِ اعظم کے عہدے کے امیدوار ہیں۔

’’شاہزیب خانزادہ دیانت دار صحافی ہیں‘‘

ان کا کہنا ہے کہ فواد چوہدری میرے دوست ہیں مگر وہ گھڑی اسکینڈل میں ایسی چیز کا دفاع کر رہے ہیں جس کے لیے انہیں 10 جھوٹ اور بولنے پڑ رہے ہیں ، شاہ زیب خان زادہ سے آپ اختلاف کر سکتے ہیں لیکن وہ دیانت دار صحافی ہیں۔

فیصل واؤڈا نے کہا کہ درباری عمران خان کا کام اتارنے کے لیے کام کر رہے ہیں، ان کے اردگرد موجود سازش کرنے والوں کا صفایا ضروری ہے، عمران خان سے کہا تھا کہ شہزاد اکبر بھاگ جائیں گے، مگر خان صاحب اپنے لوگوں پر اندھا بھروسہ کرتے ہیں، شہزاد اکبر کی ڈگڈگی چلتی تھی، وہ اعظم خان کے دفتر میں کئی کئی گھنٹے گزارتے تھے۔

’’باجوہ صاحب کے پاس موقع تھا کہ وہ مارشل لاء لگا دیتے‘‘

انہوں نے کہا کہ عمران خان کے تعلقات فوج سے مس انڈراسٹینڈنگ پر خراب ہوئے، باجوہ صاحب کو اللّٰہ تعالیٰ نے پہاڑ جتنا دل دیا ہے کہ ٹرولز کے ذریعےجو کچھ ان کے ساتھ کیا گیا،ان کی پگڑی اچھالی گئی مگر انہوں نے برداشت کیا، ان کے پاس بہت زبردست موقع تھا کہ وہ مارشل لاء لگادیتے یا ایکسٹینشن لے لیتے مگر انہوں نے ایسا نہیں کیا۔

سابق پی ٹی آئی رہنما کا کہنا ہے کہ میں کابینہ کا حصہ تھا، وزیر تھا، آرمی چیف بھی وزیراعظم ہاؤس میں آتے تھے، ایک دفعہ تینوں سانپوں نے ان کو عمران خان کے کمرے کے باہر گھیر لیا اور پھر انہیں ایک بیانیہ دیا کہ عمران خان غلط ہیں، ہم ٹھیک ہیں۔

ان کا کہنا ہے کہ میں نے آر می چیف سے کہا کہ سر! آپ کے اور میرے باس عمران خان ایسے نہیں ہیں ان کی باتوں میں نہ آئیں، یہ دو منہ والے بھی نہیں چار منہ والے سانپ ہیں، آپ نے جو باتیں سنی ہیں وہ آپ اپنے عمران خان سے ڈائریکٹ کیجئے گا، یہ مس انڈر اسٹینڈنگ پیدا کروا رہے ہیں۔

’’آپ مارچ کی کال کے ذریعے کیا مانگ رہے ہیں؟‘‘

فیصل واؤڈا نے پی ٹی آئی کے لانگ مارچ پر سوال اٹھاتے ہوئے کہا کہ آپ مارچ کی کال کے ذریعے کیا مانگ رہے ہیں؟ بالفرض آپ الیکشن مانگ رہے ہیں اور ہم مئی میں انتخابات کرانے کا کہہ رہے ہیں اور پی ڈی ایم والے اکتوبر کہہ رہے ہیں تو اس کے درمیان ہی میں راستہ نکلے گا۔

انہوں نے کہا کہ عمران خان جمائما کے خاوند تھے، وہ دنیا کی 15 نمبروں کے اندر رئیس خاتون ہیں، جب ان کی طلاق ہوئی تو اصولاً آدھی جائیداد ان کو مل جانی چاہیے تھی، عمران خان نے اگر وہ جائیداد نہیں لی اور اس میں سے ایک پیسہ نہیں لیا تو اس کا مطلب ہے کہ عمران خان کو پیسے سے کوئی لگاؤ نہیں ہے۔

’’میں بہت حد تک اسٹیبلشمنٹ سے تعلقات ٹھیک کرانے میں کامیاب ہو گیا تھا‘‘

توشہ خانے کی گھڑی کے حوالے سے فیصل واؤڈا نے کہا کہ کاش یہ گھڑی نہ آتی اور ایسی بہت ساری گھڑیوں سے وہ (عمران خان) گزر رہے ہیں، میں نے اسٹیبلشمنٹ سے تعلقات ٹھیک کرانے کی صرف کوشش نہیں کی تھی میں ٹھیک کرانے میں بہت حد تک کامیاب ہو گیا تھا۔

’’جنرل فیصل نصیر بہت غیرت مند افسر ہیں‘‘

ان کا کہنا ہے کہ جنرل فیصل نصیر کا نام لیا جا رہا ہے، وہ بہت غیرت مند افسر ہیں، میں نے ہی خان صاحب کو جا کر بتایا تھا کہ میں انہیں جانتا ہوں، وہ اچھی شہرت کے حامل ہیں اور پاکستان خصوصاً کراچی اور بلوچستان میں امن و امان کے لیے انہوں نے بڑا کام کیا ہے۔

’’میں نے خونی مارچ کی بات کی تو میں اندھا یا عقل سے پیدل نہیں ہوں ‘‘

تحریکِ انصاف کے سابق رہنما فیصل واؤڈا نے یہ بھی کہا کہ میں نے کہا تھا کہ ارشد شریف کا قتل منصوبے کے تحت کیا گیا ہے، پاکستان میں پلان ہوا ہے، انہیں کلوز رینج سے مارا گیا، سامنے سے گولیاں لگی ہیں، جو ساتھ لوگ تھے وہ ملے ہوئے تھے، انہیں گاڑی سے اتار کر مارنے کے بعد بٹھایا ہے یا گاڑی میں قتل کیا ہے، میں نے کہا تھا کہ ارشد شریف کا آئی فون اور لیپ ٹاپ نہیں ملے گا وہ نہیں ملا، میں کہاں غلط تھا؟ میں نے خونی مارچ کی بات کی تھی تو میں اندھا یا عقل سے پیدل تو نہیں ہوں، اس میں کوئی راکٹ سائنس کی ضرورت نہیں ہے۔

قومی خبریں سے مزید

Original Article

ارشد شریف قتل: فیصل واؤڈا، مراد سعید FIA میں طلب

توہینِ عدالت کیس: عمران خان کو شواہد پر جواب دینےکی مہلت

پی ٹی آئی لانگ مارچ، راولپنڈی پولیس نے سیکیورٹی پلان کو حتمی شکل دیدی

صدر مملکت عارف علوی سے وزیر خزانہ اسحاق ڈار اہم ملاقات کریں گے

فردوس شمیم کا بلدیاتی انتخابات سے متعلق فیصلے پراظہارِ مایوسی

پی ٹی آئی کو جلسے کے این او سی کے لیے انتظامیہ کو نئی درخواست دینے کی ہدایت

الیکشن کمیشن کو کراچی، حیدرآباد میں بلدیاتی انتخابات کے شیڈول کا اعلان کرنے کا حکم

کراچی: سرجانی میں ڈمپر کی ٹکر سے طالبعلم جاں بحق، 2 بھائی زخمی

جعفر ایکسپریس اتوار سے چلانے کا اعلان

بلدیاتی الیکشن سے متعلق درخواستوں پر فیصلہ آج

پی ٹی آئی دھرنا، راستوں کی ممکنہ بندش کے خلاف کیس کی سماعت آج

(ن) لیگی وفد کی اتحادی رہنماؤں سے ملاقاتیں، اہم تقرری پر گفتگو

روایتی جوش و جذبے سے قوم کی خدمت جاری رکھیں، آرمی چیف کی ہدایت

اسلام آباد: سید پور گاؤں میں 4 سے 5 چیتوں کی مبینہ موجودگی کی اطلاع

پروفیسر ڈاکٹر ایوب صابر 82 سال کی عمر میں انتقال کرگئے

سیہون: انڈس ہائی وے پر مسافر وین گڑھے میں گر گئی، 20 افراد جاں بحق

حلیم عادل شیخ کے گھر پولیس کارروائی کی وجہ سامنے آگئی

عمران کو پیچھے دھکیلنے کیلئے درباری مصروف، تینوں سانپ وزیراعظم کے عہدے کے امیدوار، فیصل واوڈا