Categories
Breaking news

معاشرے، حکومتی ردعمل سے ثابت ہوگیا ہم بھارت جیسے نہیں ہیں، فواد چوہدری

معاشرے، حکومتی ردعمل سے ثابت ہوگیا ہم بھارت جیسے نہیں ہیں، فواد چوہدری

وفاقی وزیر اطلاعات فواد چوہدری نے کہا ہے کہ سیالکوٹ واقعے کے بعد معاشرے اور حکومتی ردعمل نے ثابت کردیا ہم بھارت جیسے نہیں ہیں۔

کابینہ اجلاس کے بعد میڈیا بریفنگ میں فواد چوہدری نے کہا ہے کہ سیالکوٹ میں متشدد ہجوم کے ہاتھوں سری لنکن فیکٹری منیجر پریانتھا کمارا کی موت پر معاشرے اور حکومت نے ردعمل دیا ہے۔

انہوں نے کہا کہ معاشرے اور حکومت کے ردعمل سے ثابت ہے ہم بھارت جیسے نہیں، پڑوسی ملک میں روز ایسے واقعات ہوتے ہیں، مگر وہاں پتّہ تک نہیں ہلتا۔

وفاقی وزیر نے بتایا کہ سانحہ آرمی پبلک اسکول (اے پی ایس) کے بعد جس طرح قوم اکٹھی ہوئی تھی وہ اتحاد آج بھی برقرار ہے۔

اُن کا کہنا تھا کہ کابینہ نے سیالکوٹ واقعے کی شدید الفاظ میں مذمت کی ہے اور ذمے داران کو سخت سزا دینے کا مطالبہ کیا ہے۔

سیالکوٹ کی بزنس کمیونٹی نے پریانتھا کے اہلِ خانہ کیلئے ایک لاکھ ڈالر جمع کیے، وزیراعظم

وزیراعظم عمران خان نے وزیراعظم ہاؤس میں آنجہانی سری لنکن شہری پریانتھا کی یاد میں تعزیتی ریفرنس کی تقریب سے خطاب کیا۔

دوسری طرف وزیراعظم عمران خان نے پریانتھا کمارا سے متعلق تقریب سے خطاب میں کہا کہ سری لنکن منیجر کے خاندان کو ہر ماہ باقاعدگی سے تنخواہ دی جائے گی۔

انہوں نے مزید کہا کہ سیالکوٹ کے تاجروں نے پریانتھا کمارا کی فیملی کے لیے 1 لاکھ ڈالرز اکٹھے کیے ہیں۔

عمران خان نے دوران خطاب پریانتھا کمارا کی جان بچانے کی کوشش کرنے والے ملک عدنان کی بہادری اور جرات کی تعریف کی۔

انہوں نے کہا کہ ہمیں آپ پر فخر ہے، اخلاقی قوت ہمیشہ جسمانی قوت سے زیادہ ہوتی ہے، جس نے بھی اب دین کو استعمال کیا اور رحمت اللعالمین ﷺ کے نام پر ظلم کیا انھیں نہیں چھوڑنا۔

قومی خبریں سے مزید

Original Article

Leave a Reply

Your email address will not be published.