Categories
Breaking news

مشال قتل کیس: مرکزی ملزم کی سزائے موت عمر قید میں تبدیل

Advertisement

پشاور ہائی کورٹ نے عبدالولی خان یونیورسٹی مردان کے طالبعلم مشال خان تشدد قتل کیس کا محفوظ فیصلہ سنادیا عدالت نے مرکزی ملزم عمران کی سزائے موت کو عمر قید میں تبدیل کردیا۔

Advertisement

عدالت نے مرکزی ملزم عمران کی سزائے موت کو عمر قید میں تبدیل کردیا جبکہ 25 ملزمان کی ضمانت پر رہائی کا فیصلہ کالعدم قرار دیتے ہوئے ملزمان کی فوری گرفتاری کا حکم دے دیا۔

عدالت نے ملزمان کی تین سال کی سزا کو بھی برقرار رکھا جبکہ 7 ملزمان کی عمر قید کی سزا کو برقرار رکھا گیا ہے۔

جسٹس لعل جان خٹک اور جسٹس عتیق شاہ نے 30 ستمبر کو فیصلہ محفوظ کیا تھا۔

فریقین نے پشاور ہائیکورٹ میں انسداد دہشتگردی فیصلے کے خلاف درخواستیں دائر کی تھیں، مجرموں نے سزاؤں کے خلاف پشاور ہائیکورٹ میں اپیلیں دائر کی، جبکہ مشال خان کے والد نے بھی عدالت کے فیصلے میں سزائیں کم ہونے پر درخواست دے رکھی تھی۔

واضح رہے کہ اپریل 2017 کو عبدالوالی خان یونیورسٹی مردان میں مشال خان کو ہجوم نے قتل کیا اس کیس میں مجموعی طور پر 61 ملزمان کو نامزد کیا گیا۔

انسداد دہشتگردی عدالت نے ایک ملزم کو سزائے موت اور 7 ملزمان کو عمر قید کی سزا سنائی تھی انسداد دہشتگردی عدالت ایبٹ آباد نے 7 فروری 2018 کو 57 ملزمان کے کیس کا فیصلہ جاری کیا۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *