Categories
Breaking news

مسجد نبویؐ واقعے پر شیخ رشید کا موقف سامنے آگیا

مسجد نبویؐ واقعے پر شیخ رشید کا موقف سامنے آگیا

سابق وزیر داخلہ شیخ رشید مسجد نبویؐ میں کابینہ اراکین کے خلاف نعرے بازی کرنے والوں کے حق میں سامنے آگئے۔

ایک بیان میں شیخ رشید نے کہا کہ کل جو کچھ روضہ رسول صلی اللّٰہ علیہ والہ وسلم پر ہوا وہ پاکستانی مسلمانوں کے جذبات تھے، یہ سب عمرہ زائرین تھےجو روضہ رسول صلی اللّٰہ علیہ والہ وسلم پرحاضری کے لیے گئے تھے۔

سابق وزیر داخلہ نے کہا کہ عمرہ زائرین حاضری کے دوران چوروں کے خلاف اپنے جذبات کا اظہار کیے بغیر رہ نہ سکے، ان عمرہ زائرین کی تعداد سیکڑوں میں نہیں بلکہ ہزاروں میں تھی۔

شیخ رشید کے بھتیجے کا مسجد نبوی کے واقعہ پر خوشی کا اظہار

اپنے پیغام میں شیخ راشد شفیق نے کہا کہ ڈر کر ان میں سے کسی نے مسجد نبوی کا پھر رخ نہیں کیا اور نہ ہی کوئی تراویح پڑھنے آیا۔

شیخ رشید نے کہا کہ چور وزیراعظم جہاں جائے گا، پاکستانیوں کی نفرت کا سامنا کرنا پڑے گا، پاکستانیوں کو موجودہ حکمرانوں سے شدید قسم کی نفرت ہے۔

انہوں نے کہا کہ دنیا میں بسنے والے پاکستانیوں کےنزدیک موجودہ حکمران امپورٹڈ، سیلیکٹڈ اور چور ہیں، موجودہ حکمران پاکستانیوں کے لیے نفرت کا نشان بھی بن چکے ہیں۔

شیخ رشید نے کہا کہ لوگ ان حکمرانوں کی شکلیں نہیں دیکھنا چاہتے۔

قومی خبریں سے مزید

Original Article

Leave a Reply

Your email address will not be published.