Categories
Breaking news

مریم اورنگزیب کا عمران خان اور شہزاد اکبر کی گمشدگی کا اشتہار شائع کرنے کا مطالبہ

‎پاکستان مسلم لیگ (ن) کی ترجمان مریم اورنگزیب نے ثبوت کے ٹرک اور صندوقوں سمیت عمران خان اور شہزاد اکبر کی گمشدگی کا اشتہار شائع کرنے کا مطالبہ کردیا۔

انہوں نے کہا کہ عمران صاحب اور شہزاد اکبر ن لیگی صدر شہباز شریف کے خلاف جھوٹے الزامات کے ثبوتوں کے صندوق لے کر آج بھی عدالت نہ پہنچ سکے۔

ان کا کہنا تھا کہ یہ دونوں شہباز شریف کے خلاف ثبوتوں کا ٹرک لےکر لاپتہ ہیں، روزانہ سماعت کی درخواست کرنے والے 16 ماہ گزرنے کے باوجود انویسٹی گیشن رپورٹ جمع نہیں کرواسکے۔

نواز شریف واقعی شریف ہوتے تو خود واپس آجاتے ،شہزاد اکبر

کراچی مشیر برائے داخلہ و احتساب ،شہزاد اکبرنے کہا…

ترجمان ن لیگ نے یہ بھی کہا کہ شہباز شریف کے خلاف ’ثبوت‘ سے بھرے ایف آئی اے ٹرک کے ٹائر پنکچر ہوگئے شاید، ‎نہ عمران صاحب اور شہزاد اکبر آئے نہ ثبوتوں کے ٹرک آئے اور نہ ثبوتوں کے صندوق پہنچے۔

انہوں نے طنز کے تیر چلاتے ہوئے کہا کہ کہاں ہیں ثبوتوں کے وہ صندوق جو آج پیش ہونے تھے؟ ‎16 ماہ گزر گئے، ایف آئی اے کی رپورٹ پیش نہ ہوسکی، ثبوت کب پیش کریں گے؟

مریم اورنگزیب کا کہنا تھا کہ شہباز شریف نے ڈٹ کر عمران صاحب کے سیاسی انتقام اور جھوٹ کا ملک میں اور بیرون ملک ہر عدالت میں مقابلہ کیا ہے۔

لندن میں شہباز شریف کیخلاف منی لانڈرنگ کا مقدمہ نہیں بنا: شہزاد اکبر

وزیرِ اعظم عمران خان کے مشیرِ احتساب شہزاد اکبر کہتے ہیں کہ شہباز شریف کے خلاف منی لانڈرنگ کا مقدمہ لندن میں بنایا ہی نہیں گیا۔

انہوں نے کہا کہ بشیر میمن نے عمران خان کے منہ پر گواہی دی کہ شہباز شریف کے خلاف کیس نہیں بنتا، نیب کے 58 والیمز نے گواہی دی کہ ایک دھیلے کی کرپشن، کک بیک، اختیارات کا ناجائز استعمال نہیں ہوا، 12 ماہ شہباز شریف کو ناحق جیل میں قید کیا لیکن کرپشن نہ ملی، اب ایف آئی اے 16 ماہ سے تفتیش مکمل نہیں کر پارہی۔

انہوں نے یہ بھی کہا کہ عمران صاحب 100 سال بھی تفتیش کریں تو کرپشن نہیں ملے گی کیونکہ آپ نے جھوٹ بولا تھا۔

قومی خبریں سے مزید

Original Article

Leave a Reply

Your email address will not be published.