Categories
Breaking news

مراد علی شاہ، فریال تالپور کے اثاثے سامنے آگئے

Advertisement

الیکشن کمیشن آف پاکستان نے وزیرِ اعلیٰ سندھ مراد علی شاہ سمیت اراکینِ سندھ اسمبلی کے مالی گوشواروں کی تفصیلات جاری کر دی ہیں۔

الیکشن کمیشن آف پاکستان کے مطابق وزیرِ اعلیٰ سندھ مراد علی شاہ 23 کروڑ 35 لاکھ روپے سے زائد اثاثوں کے مالک ہیں، ان کے پاس ڈیڑھ کروڑ روپے مالیت کی 2 گاڑیاں بھی ہیں۔

مراد علی شاہ کو والدہ کی طرف سے 100 تولے سونا تحفے میں ملا، ان کی بیٹی کے نام ڈی ایچ اے میں 3 کروڑ مالیت کے 2 پلاٹ ہیں۔

وزیرِ اعظم عمران خان کے اثاثوں کی مالیت 8 کروڑ 6 لاکھ روپے

الیکشن کمیشن آف پاکستان نے اراکینِ قومی اسمبلی کے اثاثوں کی تفصیلات جاری کر دیں جن کے مطابق وزیرِاعظم عمران خان کے اثاثوں کی کل مالیت 8 کروڑ 6 لاکھ روپے ہے۔

الیکشن کمیشن کے مطابق سابق صدر آصف علی زرداری کی ہمشیرہ اور رکنِ سندھ اسمبلی فریال تالپور 39 کروڑ روپے سے زائد اثاثوں کی مالک ہے۔

فریال تالپور کے پاس 980 گرام کے طلائی زیورات اور 1 کروڑ روپے سے زائد مالیت کی 3 گاڑیاں بھی ہیں۔

الیکشن کمیشن کے مطابق سندھ کے وزیرِ اطلاعات ناصر حسین شاہ 13 کروڑ روپے سے زائد اثاثوں کے مالک نکلے ہیں، انہوں نے اپنے پاس 477 تولے سونا بھی ظاہر کیا ہے۔

یہ بھی پڑھیے

الیکشن کمیشن آف پاکستان کا کہنا ہے کہ سندھ کے صوبائی وزیر سہیل انور سیال 9 کروڑ 28 لاکھ روپے کے مالک ہیں۔

الیکشن کمیشن کا یہ بھی کہنا ہے کہ پاکستان تحریکِ انصاف (پی ٹی آئی) کے فردوس شمیم نقوی 33 کروڑ 40 لاکھ روپے کے مالک ہیں، جبکہ حلیم عادل شیخ 2 کروڑ سے زائد اثاثوں کے مالک ہیں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *