محکمانہ کارروائی کا سامنا کرنیوالے سرکاری ملازمین کا ریکارڈ سامنے آگیا

کریمنل کیسز میں محکمانہ کارروائیوں کا سامنا کرنے والے سرکاری افسران و ملازمین کا سندھ ہائی کورٹ میں جمع کرایا گیا ریکارڈ ’جیونیوز‘ نے حاصل کر لیا۔

’جیو نیوز‘ نے کریمنل کیسز میں محکمانہ کارروائی کاسامنا کرنے والے 317 افسران و ملازمین کا ریکارڈ حاصل کیا ہے۔

Table of Contents

x
Advertisement

یہ ریکارڈ سندھ ہائی کورٹ میں عدالتی حکم پر سندھ حکومت کی جانب سے جمع کرایا گیا تھا، تاہم سندھ حکومت 3 محکموں کا مکمل ریکارڈ جمع کرانے سے گریزاں ہے۔

دستاویزات کے مطابق سندھ حکومت نے محکمۂ صحت، بلدیات اور اسکول ایجوکیشن کا ریکارڈ جمع نہیں کرایا، کریمنل ریکارڈ رکھنے والے 126 افسران ابھی بھی مختلف محکموں میں براجمان ہیں۔

دستاویزات میں کہا گیا ہے کہ کریمنل ریکارڈ رکھنے والے ان اہلکاروں میں سروسز اینڈ جنرل ایڈمنسٹریشن ڈیپارٹمنٹ کے 6 افسران شامل ہیں۔

دستاویزات کے مطابق ان میں محکمۂ فوڈ کے 28، ایریگیشن ڈیپارٹمنٹ کے 19، محکمۂ لائیو اسٹاک اینڈ فشریز کے 5، ورکس ڈیپارٹمنٹ کے 4، پبلک ہیلتھ کے 9 افسران، محکمۂ دیہی ترقی کے 11، محکمۂ زراعت کے 32 افسران، بورڈ آف ریونیو کے 7 اور محکمۂ اطلاعات کے 4 افسران اس فہرست میں شامل ہیں۔

یہ بھی پڑھیے

دستاویزات میں انکشاف کیا گیا ہے کہ کریمنل کیسزکا سامنا کرنے والے افسران و ملازمین تاحال عہدوں پر براجمان ہیں۔

دستاویزات میں بتایا گیا ہے کہ سندھ کے 191 افسران و ملازمین کے خلاف محکمانہ کارروائی جاری ہے، سیکریٹری سطح کے 18 افسران سندھ پبلک سروس کمیشن کاامتحان دئیے بغیر کام کر رہے ہیں۔

دستاویزات میں یہ بھی کہا گیا ہے کہ محکمۂ خوراک کے 131 افسران کے خلاف ، محکمۂ ایریگیشن کے 7، پلاننگ اینڈ ڈیولپمنٹ کے 4 محکمۂ زراعت کے 8، پبلک ہیلتھ ڈیپارٹمنٹ کے 5، ورکس اینڈ سروسز کے 13 اور محکمۂ جنگلات اور بہبودِ آبادی ایک ایک افسر کے خلاف کارروائی کی گئی ہے۔

قومی خبریں سے مزید