Categories
Breaking news

محمد زبیر نے آرمی چیف سے ملاقاتوں کی تصدیق کردی

Advertisement
Advertisement

سابق گورنر سندھ محمد زبیر

سابق گورنر سندھ محمد زبیر نے آرمی چیف جنرل قمر جاوید باجوہ سے ملاقات کی تصدیق کردی۔

مسلم لیگ (ن) کے رہنما محمد زبیر نے کہا کہ آرمی چیف جنرل قمر جاوید باجوہ سے میرے ذاتی تعلقات ہیں اور ان سے میری 2 ملاقاتیں ہوئی ہیں البتہ میں نوازشریف یا پارٹی کے لیے کچھ مانگنے نہیں گیا تھا، میں نے کہا کہ میں یہاں کسی کیلئے نہیں آیا۔

محمد زبیر کا کہنا تھا کہ کبھی ان معاملات پر آرمی چیف سے کوئی بات نہیں ہوئی اور سابق وزیراعظم نوازشریف یا ان کی صاحبزادی مریم نواز نے ملاقات کرنے کا نہیں کہا، اس طرح کی ملاقاتیں خفیہ ہوتی ہیں، سمجھ نہیں آتا ترجمان پاک فوج کو بات کرنے کی ضرورت کیوں پڑی۔

مزید جانیے: آرمی چیف سے ن لیگی رہنما محمد زبیر نے دو بار ملاقات کی: ڈی جی آئی ایس پی آر

سابق گورنر سندھ نے کہا کہ اگر معاملات طے کرنے ہوتے تو 2018سے پہلے ہی کرلیتے، ملاقات اور کھانے پر سیاست پر بات چیت ہوتی رہتی ہے، اتنےگھنٹے بیٹھے رہیں گے تو مریم اورنوازشریف پر بھی بات چیت ہوگی۔

واضح رہے مریم نواز نے آج صحافیوں سے بات چیت کے دوران کہا تھا کہ مسلم لیگ (ن) کے رہنماؤں نے آرمی چیف سے ملاقات نہیں کی جس پر ترجمان پاک فوج نے بیان جاری کیا کہ مسلم لیگ (ن) کے محمد زبیر نے آرمی چیف سے 2 ملاقاتیں کیں۔

Advertisement

Leave a Reply

Your email address will not be published. Required fields are marked *