Categories
Breaking news

لاہور میں قائدِاعظم ڈے، کرسمس پر سیکیورٹی پلان مرتب

Advertisement
لاہور میں قائدِاعظم ڈے، کرسمس کا سیکیورٹی پلان مرتب

پنجاب کے دارالخلافہ لاہور کی پولیس نے 25 دسمبر کو یومِ قائدِ اعظم اور کرسمس کی تقریبات کا سیکیورٹی پلان مرتب کر لیا لیا۔

شہر میں اس موقع پر 6 ہزار سے زائد پولیس افسران اور جوان ڈیوٹی انجام دیں گے، گرجا گھروں کو 3 درجاتی حصار پر مبنی سیکیورٹی فراہم کی جائے گی۔

پنجاب میں سیکیورٹی پلان پر سختی سے عملدر آمد کرایا جائے، وزیر قانون

وزیر قانون پنجاب محمد بشارت راجا کا کہنا ہے کہ کرسمس کےموقع پر مسیحی عبادت گاہوں کی سیکیورٹی فول پروف بنائی جائے، سعودی شہزادے کی قیام گاہ اور روٹس پر سخت سیکیورٹی کے انتظامات کے علاوہ جنوبی افریقا کرکٹ ٹیم کے دورۂ پنجاب پر بھی سیکیورٹی پلان پر سختی سے عملدرآمد کرایا جائے۔

x
Advertisement

ڈی آئی جی آپریشنز لاہور اشفاق خان نے بتایا کہ کرسمس کے موقع پر مسیحی برادری کو مکمل تحفظ فراہم کیا جائے گا۔

انہوں نے کہا کہ شہر میں روزانہ کی بنیاد پر سرچ اینڈ سویپ آپریشنز کیئے جا رہے ہیں، شہر کے داخلی اور خارجی راستوں پر گاڑیوں اور لوگوں کی چیکنگ یقینی بنائی جا رہی ہے۔

یہ بھی پڑھیے

انہوں نے مزید بتایا کہ ڈولفن اسکواڈ اور پولیس رسپانس یونٹ کو ہدایت کی گئی ہے کہ گرجا گھروں اور مسیحی آبادیوں کے اطراف میں مؤثر پٹرولنگ کریں۔

ڈی آئی جی آپریشنز لاہور اشفاق خان نے یہ بھی بتایا کہ یہ ہدایت بھی کی گئی ہے کہ تقریبات میں شرکاء کورونا وائرس کی ایس او پیز پر عمل کرتے ہوئے ماسک پہننے اور سینی ٹائرز لگانے کو یقینی بنائیں۔

قومی خبریں سے مزید

Original Article

Advertisement

Leave a Reply

Your email address will not be published. Required fields are marked *