لاہور میں علامہ اقبال انٹرنیشنل ایئرپورٹ کے اطراف دھند کے باعث فضائی آپریشن شدید متاثر ہے، بیرون اور اندرون ملک 9 پروازیں منسوخ اور 8 تاخیر کا شکار ہیں جبکہ ابوظہبی اور دوحا سے آنے والی پروازوں کا رخ اسلام آباد کی جانب موڑ دیا گیا ہے۔

علامہ اقبال انٹرنیشنل ایئرپورٹ کے اطراف دھند کے باعث فضائی آپریشن بری طرح متاثر ہے، ائیرپورٹ زرائع کے مطابق ناس ائیر لائن کی ریاض سے آنے والی پرواز 317 ، دمام سے آنے والی پرواز 883 ، پی آئی اے کی دبئی سے آنے والی پرواز 204 ، پی آئی اے کی ہی کراچی سے آنے والی پرواز 306 ، کویت ائیر لائن کی کویت سے آنے والی پرواز 203 منسوخ کردی گئی ہیں۔

Table of Contents

x
Advertisement

ائیرپورٹ زرائع کا بتانا ہے کہ ناس ائیر لائن کی ریاض جانے والی پرواز 318 کے علاوہ پی آئی اے کی دبئی جانے والی پرواز 203 ، دمام جانے والی پرواز 884 اور پی آئی اے کی کراچی جانے والی پرواز 307 بھی منسوخ کی گئی ہیں۔

یہ بھی پڑھیے

زرائع کا کہنا ہے کہ اتحاد ائیر لائن کی ابوظہبی جانے والی پرواز 244 پانچ گھنٹے ، ترکش ائیر لائن کی استنبول جانے والی پرواز 715 چار گھٹنے 25 منٹ، الجزیرہ ائیر لائن کی دبئی جانے والی پرواز 625 ایک گھنٹہ 40 منٹ ، اتحاد ائیر لائن کی ابوظہبی سے آنے والی پرواز 243 چھ گھنٹے تاخیر کا شکار ہے۔

ائیرپورٹ زرائع نے بتایا کہ ترکش ائیر لائن کی استنبول سے آنے والی پرواز 714 چار گھٹنے 45 منٹ اور الجزیرہ ائیر لائن کی دبئی سے آنے والی پرواز 624 ایک گھنٹہ 45 منٹ کی تاخیر کا شکار ہوئی ہے۔

زرائع ائیرپورٹ کے مطابق قطر ائیر ویز کی دوحا سے آنے والی پرواز 629 اور اتحاد ائیر لائن کی ابوظہبی سے آنے والی پرواز 241 کا دھند کے باعث اسلام آباد رخ موڑ دیا گیا۔

قومی خبریں سے مزید