لاہور سمیت پنجاب کے بیشتر میدانی علاقوں میں شدید دھند

لاہور سمیت پنجاب کے بیشتر میدانی علاقوں میں دھند کا راج ہے، حد نگاہ صفر ہونے پر موٹروے کو کئی مقامات سے بند کردیا گیا ہے۔

لاہور میں گزشتہ شام سے پڑنے والی دھند رات کو شدید ہو گئی، لاہور کے کئی حصوں میں کہیں ہلکی اور کہیں گہری دھند دن چھائی رہی۔

Table of Contents

x
Advertisement

دھند کی شدت کے باعث شہر میں لوگوں کے معمولات زندگی اور فلائٹ آپریشن بھی متاثر ہوا ہے جبکہ موٹر وے ایم ٹوکو لاہور سے پنڈی بھٹیاں تک، موٹروے ایم تھری کو لاہور ننکانہ صاحب تک ٹریفک کے لیے بند کردیا گیا ہے۔

لاہور سیالکوٹ موٹروے بھی دھند کے باعث ٹریفک کے لیے بند کردی گئی ہے، قومی شاہراہ پر بھی شدید دھند کے باعث کئی مقامات پر ٹریفک کی روانی متاثر ہوئی ہے۔

محکمہ موسمیات کے مطابق دھند کا یہ سلسلہ اگلے 24 گھنٹے بھی جاری رہنے کا امکان ہے جس سے درجہ حرارت میں مزید کمی کا بھی امکان ہے۔

قومی خبریں سے مزید