Categories
Breaking news

لاہور دھماکا آنکھیں کھولنے کیلئے کافی ہے، شہباز شریف

لاہور دھماکا آنکھیں کھولنے کیلئے کافی ہے، شہباز شریف

قائد حزب اختلاف شہباز شریف نے لاہور دھماکے کی شدید مذمت کرتے ہوئے قیمتی جانوں کے ضیاع پر بے حد دکھ اور افسوس کا اظہار کیا ہے۔

شہبازشریف نے اپنے بیان میں کہا کہ پنجاب کے دارالحکومت میں یہ واقعہ آنکھیں کھولنے کے لئے کافی ہے،کب سے کہہ رہا ہوں کہ امن و امان کی بگڑتی صورتحال توجہ کا تقاضا کر رہی ہے۔

لاہور: جوہر ٹاؤن میں دھماکا، 2 جاں بحق، 17 زخمی

لاہور کے علاقے جوہر ٹاؤن کے ایک گھر میں دھماکا ہوا ہے جس کے نتیجے میں 2 افراد جاں بحق جبکہ 17 افراد زخمی ہوگئے، جن میں سے 5 زخمیوں کی حالت تشویش ناک ہے۔

قائد حزب اختلاف نے کہاکہ اہم قومی مسائل کو پس پشت ڈالنے سے کام نہیں چلے گا، سرد مہری اور معاملات ٹالنے کی قیمت ملک اور قوم کو ادا کرنا پڑ رہی ہے۔

ان کاکہنا تھا کہ لہو کی فصل پہلے ہی کاٹ چکے ہیں، اس عفریت کا دوبارہ زندہ ہونا نیک شگون نہیں۔

شہباز شریف نے شہداء کے درجات کی بلندی اور اہل خانہ کے لئے صبر جمیل اور زخمیوں کی جلد صحت یابی کی دعا بھی کی۔

شیخ رشید نے جوہر ٹاؤن دھماکے کی رپورٹ طلب کرلی

وفاقی وزیر داخلہ شیخ رشید نے لاہور میں ہوئے جوہر ٹاؤن دھماکے کی رپورٹ طلب کرلی۔

واضح رہے کہ آج جوہرٹاؤن میں ہوئے دھماکے سے 3 افراد جاں بحق اور 17 زخمی ہوئے ہیں، ایم ایس جناح اسپتال کا کہنا ہے کہ اسپتال لائےگئے افراد بال بیئرنگ سے زخمی ہوئے۔

پولیس کے مطابق دھماکے کے مقام پر بارودی مواد ایک گاڑی میں لایا گیا، سی ٹی ڈی حکام شواہد اکٹھے کرنے میں مصروف ہیں۔

قومی خبریں سے مزید

Original Article

Leave a Reply

Your email address will not be published. Required fields are marked *