لاہور جلسہ: PDM کی مرکزی قیادت کیخلاف مقدمہ درج

لاہور میں مینار پاکستان پر جلسہ کرنے پراپوزیشن اتحاد پاکستان ڈیمو کریٹک موومنٹ (پی ڈی ایم) کی مرکزی قیادت کے خلاف مقدمہ درج کر لیا گیا۔

مقدمہ سیکیورٹی آفیسر پی ایچ اے کی مدعیت میں تھانہ لاری اڈا میں درج کرایا گیا ہے۔

مقدمے میں مریم نواز، خواجہ سعد رفیق، احسن اقبال، شاہد خاقان عباسی، رانا ثناء اللّٰہ، مریم اورنگزیب، رانا تنویر، خواجہ آصف، طلال چوہدری، ایاز صادق، ملک پرویز، رانا مبشر اقبال، شیخ روحیل اصغر، سمیع اللّٰہ خان، افضل کھوکھر، سیف الملوک کو نامزد کیا گیا ہے۔

درج کی گئی ایف آئی آر میں بلال یاسین، خواجہ سلمان رفیق، خواجہ عمران نذیر، غزالی سلیم بٹ، مجتبیً شجاع الرحمٰن، میاں مرغوب، چوہدری شہباز، رانا مشہود، چوہدری اختر، ملک غلام حبیب اعوان،ملک وحید، شائستہ پرویز ملک، عظمیٰ بخاری، توصیف شاہ، عطاء اللّٰہ تارڑ، رانا ارشد،میاں طارق، فیصل کھوکھر، جاوید ہاشمی اور کرنل مبشر کو بھی نامزد کیا گیا ہے۔

مقدمے میں کورونا وائرس کی ایس او پیز کی خلاف ورزی، ساؤنڈ سسٹم ایکٹ سمیت 15 دفعات شامل کی گئی ہیں۔

یہ بھی پڑھیے

درج کی گئی ایف آئی آر میں کہا گیا ہے کہ جلسے کے شرکاء نے قومی ورثے کی حرمت کو ناقابلِ تلافی نقصان پہنچایا، پی ڈی ایم انتظامیہ پارک کا گیٹ اور جنگلے توڑ کر پارک میں داخل ہوئی۔

ایف آئی آر میں یہ بھی کہا گیا ہے کہ ملک وسیم کھوکھر 125 افراد کے ہمراہ مزاحمت کر کے پارک میں داخل ہوئے، فلیکسز اور سرچ لائٹس لگانے کے لئے فرش اور ٹریک کی ٹائلیں توڑی گئیں۔

قومی خبریں سے مزید