لاہور اور گر دونواح میں دھند کا راج ہے، دھند کے باعث موٹروے ایم 2 لاہور سے کوٹ مومن تک بند، موٹر وے ایم 3 لاہور سے درخانہ تک اور موٹر وے ایم 4 پنڈی بھٹیاں سے شام کوٹ تک بند کردی گئی ہے، جبکہ ایئرپورٹ پر بھی پروازوں کا شیڈول متاثر ہے۔

پٹرولنگ پولیس کے مطابق دھند کے باعث لاہور سیالکوٹ بھی بند کردی گئی ہے۔

Table of Contents

x
Advertisement

ترجمان موٹروے پولیس کے مطابق قومی شاہراہ پر چوہنگ، مانگا منڈی پھول نگر، پتوکی، حبیب آ باد، رینالہ خورد، اوکاڑہ، ساہیوال، ہڑپہ، چیچہ وطنی اور کسوال میں بھی شدید دھند چھائی ہے۔

انھوں نے کہا کہ دھند کے علاقوں میں حدِنگاہ 50 میٹر ہے روڈ یوزرز گاڑیوں پر فوگ لائٹس استعمال کریں، اگلی گاڑی سے مناسب فاصلہ رکھیں اور معلومات کے لیے ہیلپ لائن 130 پر رابطہ کریں۔

ادھر دھند کے باعث لاہور ائیرپورٹ پر پروازوں کا شیڈول متاثر ہوا ہے، پی آئی اے کی مدینہ جانے والی پرواز کو روک لیا گیا جبکہ لاہور سے کراچی جانے والی پرواز پی کے 307 منسوخ کردی گئی ہے۔

لاہور شہر کے مختلف علاقوں میں بھی دھند چھا گئی ہے، گڑھی شاہو، ڈیوس روڈ، ٹاؤن شپ اور دیگر علاقے دھند کی لپیٹ میں ہیں۔

قومی خبریں سے مزید