وزیرِاعظم عمران خان کہتے ہیں کہ افسوس لاک ڈاؤن کیلئے تنقید کرنےوالی اپوزیشن آج جلسے کر رہی ہے، پہلے یہی اپوزیشن تنقید کر رہی تھی کہ لاک ڈاؤن کیوں نہیں کیا جا رہا۔

سیالکوٹ میں بزنس کمیونٹی سے خطاب کرتے ہوئے وزیرِاعظم عمران خان کا کہنا تھا کہ اپوزیشن مجھ پر تنقید کرتی تھی کہ مودی نے لاک ڈاؤن کیا پاکستان میں نہیں کیا جا رہا،سیالکوٹ ملکی ایکسپورٹ کاحب بننے جا رہا ہے، نجی ایئر لائن سے پی آئی اے پر کارکردگی بہتر بنانے کا دباؤ بڑھے گا۔

Table of Contents

x
Advertisement

انہوں نے کہا کہ ابھی سے احتیاط کریں توسردیوں میں کورونا سے بچا جا سکتا ہے، کورونا وائرس کی دوسری لہر میں احتیاط نہ کی تو یہ سردیاں بہت مشکل سے گزریں گی، پہلے کی طرح احتیاط کی تو صنعت اور لوگوں کو بچا سکتے ہیں، وہ ملک ترقی نہیں کر سکتا جہاں چھوٹا طبقہ امیر اور باقی غریب رہ جائیں۔

وزیرِ اعظم عمران خان نے کہا کہ کورونا وائرس کو روکنے کا سب سے آسان طریقہ ماسک لگانا ہے، جو علاقے ترقی میں پیچھے رہ گئے انہیں آگے بڑھانا ہے، ملک کی دولت بڑھنے تک لوگوں کو غربت سے نہیں نکال سکتے، چین صنعتی ترقی اور برآمدات بڑھا کر سب سے زیادہ ترقی کر رہا ہے۔

انہوں نے کہا کہ پاکستان کا سب سے بڑا مسئلہ یہ ہے کہ زرِمبادلہ کے ذخائر نہیں ہیں، ملک کی برآمدات بڑھانی ہیں اس کے لیے سیالکوٹ کی مدد کرنی ہے، ہری پورکی طرز پر سیالکوٹ میں بھی جدید یونیورسٹی بنائیں گے، چین سی پیک کے ذریعے مغربی علاقے کو ترقی دینا چاہتا ہے۔

وزیرِ اعظم عمران خان کا کہنا ہے کہ مقامی حکومتی نظام کے تحت شہروں میں ماڈرن لوکل گورنمنٹ سسٹم کے تحتسٹی گورنمنٹ لے کر آ رہے ہیں، اپریل کے بعد مقامی حکومتوں کے الیکشن کرائیں گے، حماد اظہر اور رزاق داؤد نے کاروباری طبقے سے اچھے روابط قائم کر رکھے ہیں، گلگت بلتستان، بلوچستان، فاٹا اور پنجاب کے قبائلی اضلاع پیچھے رہ گئے ہیں۔

یہ بھی پڑھیے

انہوں نے کہا کہ چین نے 30 سال کے دوران نچلے طبقے کو غربت سے نکالا، پیچھے رہ جانے والے طبقے کو آگے لانے کی پالیسی بنانا ہو گی، غربت سے نکالنے کے لیے ملکی دولت بڑھانا بہت ضروری ہے، جب ہم آئے تو ہمارے پاس پیسہ ہی نہیں تھا۔

وزیرِاعظم عمران خان نے کہا کہ ہمیں اپنی ایکسپورٹ بڑھانا ہو گی، اسمال اور میڈیم انڈسٹری سے نوجوانوں کے لیے روزگار فراہم کرنا ہو گا، اسمال اور میڈیم انڈسٹری کے لیئے رکاوٹیں دور اور آسانیاں پیدا کرنا ہوں گی، کاروباری طبقے کے تمام مسائل حل کرائیں گے۔

وزیرِاعظم عمران خان نے دورانِ تقریر شرکاء کو ماسک لگانے کی ہدایت بھی کی۔

قومی خبریں سے مزید